हेटौंडा। मकवानपुरको हेटौंडामा लागूऔषध गाँजा २ केजी ४ सय ३५ ग्राम र दुर्लभ बन्यजन्तुको २ थानसहितसिङ (अखेटोपार) १ जनालाई पक्राऊ गरेको छ ।

उक्त लागुऔषध र दुर्लभ जनावरको सिङ सहित पक्राउ पर्नेमा हेटौंडा–९ बस्ने २४ बर्षीय सिद्धार्थ भण्डारी रहेको मकवानपुर निमित्त प्रहरी प्रवक्ता प्रहरी निरीक्षक अविनाश अधिकारीले बताए। भण्डारीलाई ईलाका प्रहरी कार्यालय पशुपतिनगरको प्रहरी निरीक्षक सोरप छिरिङ तामाङको टोलीले पक्राउ गरेको हो।

भण्डारीको घर खानतलासी गर्दा सो परिमाणको लागूऔषध र अखेटोपार फेला पारेको र उनीमाथि आवश्यक अनुसन्धान कार्य भइरहेको जनाइएको छ । पक्राऊ परेको भण्डारीको साथबाट नगद २६ हजार ३ सय ५० समेत फेला पारेको जिल्ला प्रहरी कार्यालयको प्रहरी निरीक्षक अविनाश अधिकारीले जनाएका छन् ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने