मंगलबार स्वबको रिपोर्ट आउँदा ती महिलामा कोरोना पोजेटिभ देखिएको छ भने श्रीमान र छोराको रिपोर्ट निगेटिभ आएको मिथिला नगरपालिकाका मेयर हरिनारायण महतोले जानकारी दिए।‘ती महिलामा अहिले पनि कोरोनाको कुनै प्रकारको लक्षण देखिँदैन। उनीहरुले पीसीआर टेस्ट पनि गराउन मानेको थिएनन्। हामीले नै गर्नुपर्छ भनेपछि तीनैजनाको स्वब संकलन गरिएको थियो,’ मेयर महतोले भने, ‘तर ती महिलाको रिपोर्ट पोजेटिभ आयो। श्रीमान र छोराको निगेटिभ।’

ती महिला घर आएदेखि घुमफिर गर्दै आएको थाहा भएको उनले बताए। लालगढ माझी टोलकी ती महिला स्थानीय एउटा भोजमा समेत सहभागि भएको स्थानीयले बताएका छन्।ती महिलालाई उपचारको लागि प्रादेशिक अस्पताल जनकपुरको कोरोना विशेष अस्पतालमा लग्ने तयारी भइरहेको छ। संक्रमित महिला भेटिएको टोल सिल गर्ने तयारी भएको मेयर महतोले जानकारी दिए।