चितवन । नेपालको भूमि प्रयोग गरी भारतले चीनसंगको नाका जोडेको भन्दै नेपाली काँग्रेस निकट भातृ संस्थाहरुले बिरोध जनाएका छन् । उनीहरुले विभिन्न किसिमका सांकेतिक बिरोध गरिरहेका छन् । कोरोना त्रासको यस समयमा नेबिसंघले कहिले क्याम्पस कमिटिले त कहिले क्षेत्रल गर्दै बिरोध जनाएका छन् भने तरुणदल चितवनले त जागरण अभियाननै सुरु गरी सकेको छ । यसै क्रममा आज ९बुधबार० नेपाल बिद्यार्थी संघ चितवन साबिक क्षेत्र नम्बर ४ ले भरतपुरको चौबिसकोठीमा बिरोध प्रदर्शन गर्‍यो । क्षेत्रीय समितिको आयोजनामा भारतले सिमा मिचेको बिरोधमा प्रदर्शन गरिएको हो । लकडाउनको समयसंगै कोरोनाको त्रास बढेका बेला सामाजिक दुरी कायम गर्दै आन्दोलनलाई निरन्तरता दिईरहेको छ । भारतले सिमा मिच्दै जाने र नेपाल सरकारले नयाँ नक्सा जारी गर्न नसक्नुले सरकार असफल भईसकेको बिरोधका क्रममा बोल्ने बक्ताहरुले बताएका थिए । सरकारको अकर्मन्यताका कारण जनताले दुःख पाएको उनीहरुको भनाई थियो । नेबिसंघ साबिक क्षेत्रीय सभापति विष्णु भुजेलको अध्यक्षतामा सम्पन्न कार्यक्रममा नेपाली काँग्रेस चितवनका सहसचिब सूर्य अर्याल, नेपाली काँग्रेसका महासमिति सदस्य विजय भूषाल, महानगरपालिकाका संयोजक भरत अधिकारी लगाएतले बोलेका थिए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै