चितवन । नेपाल प्रेस युनियनले कोभिड– १९ बाट प्रभावित पत्रकारहरूका लागि दश लाख रुपैयाँको राहत कोष स्थापना गरेको छ ।

नेपाल प्रेस युनियनले आज (बिहीबार ) आफ्नो ३१औँ स्थापना दिवसको सन्दर्भमा आयोजित भर्चुअल कार्यक्रममा युनियनका अध्यक्ष बद्री सिग्देलले कोभिड संक्रमित भएर विभिन्न समस्याहरु सगँ लडिरहनु भएका पत्रकारहरुको लाई दश लाख रुपैयाँको राहत कोष स्थापना गर्ने घोषणा गरेको बताउनुभयो ।

उहाँले कोषमा नेपाल प्रेस युनियन केन्द्रीय समितिले एक लाख रुपैयाँ जम्मा गरेको जानकारी दिनुभयो । उहाँले कोभिडबाट धेरैजना साथीहरू संक्रमित हुनुभएको साथै धेरै पत्रकार साथीहरू विस्थापित हुनुपर्ने अवस्था सिर्जना भइरहेको बताउनुभयो । उहाँले सरकारसगँ पत्रकारहरूको स्वास्थ्य, सुरक्षा र उपचारका लागि विशेष कार्यक्रम ल्याउन माग गर्ने बताउनुभयो ।

त्यस्तै प्रेस युनियनका वरिष्ठ उपाध्यक्ष दिपक अाचार्यले सरकारले पत्रकारहरुको लागि केही नगरेको बताउनुभयो । उहाँले कोभिडको अवस्थामा फर्ट लाईनमा खटिएर दिन रात कार्य गर्दै आएका पत्रकारहरूका हकमा सरकारले राहात प्याकेज घोषणा नगरेको बताउनुभयो । उहाँले अहिलेको अवस्थामा कोरोनाको कारणले नेपाली पत्रकार र पत्रकारिताको अवस्था निकै दहनिय रहेको बताउनुभयो ।

आचार्यले भन्नुभयो ‘कोरोनाले श्रमजीवी पत्रकारलाई ठूलो धक्का दियो । त्यस धक्काले धेरै सञ्चारगृहहरु धराशयी बनेको छ ‘ । उहाँले सरकार नेपाली प्रेस प्रति संवेदनशील हुँदै पत्रकारहरुको लागि राहत प्याकेज लाउनपर्ने बताउनुभयो ।

उहाँले अहिले सरकारले राष्ट्रपति सगं मिलेर संविधान बिरोधि घटनाहरु गरेकोमा त्यस प्रती प्रेस युनियनले घोर भत्सना गरेको बताउनुभयो । कांग्रेसको शुभेच्छुक संस्थाको रूपमा रहेको नेपाल प्रेस युनियनको स्थापना ०४८ साल जेठ १३ गते भएको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह