चितवन । उद्योग वाणिज्य संघ–चितवनले देवघाट गाउंँपालिका वडा नम्बर १ बसेनीटारमा राहत वितरण गरेको छ । मुख्य राजमार्ग देखि करिब १२ किलोमिटरको उचाईमा रहेको विकट व स्तीका ५५ विपन्न परिवारलाई चामल,दाल, तेल, चिउरा, आलु, नुनलगायतका दैनिक अत्यावश्यकीय उपभोग्य वस्तुु वितरण गरेको हो ।

संघले महमारीको विपद घडीमा यस्ता परिवारहरु भोको नरहुन भन्ने उद्धेश्यले राहत वितरण गरिएको जानकारी दिएको छ । संघले संस्थागत सामाजिक उत्तरदायित्व र मानवीय सेवा गर्नका लागि राहत वितरण गरिएको संघका अध्यक्ष राजु श्रेष्ठले जानकारी दिए ।

‘कोभिड रोकथाम तथा नियन्त्रणका लागि नेपाल सरकारबाट लागु गरिएको निषेधाज्ञाको कारण दैनिक ज्याला मजदुरी गर्ने अप्ठेरोमा परेको थाहा पायौं, उनले भने , यो राहत सामाग्रीले उनीहरुलाई केही दिन राहत दिनेछ भन्ने विश्वास लिएका छौं ।’ अध्यक्ष श्रेष्ठले कोरोनाको जोखिम अझैपनि कायम रहेकोले सबैलाई सुरक्षित रहन अपिल गर्दैै आगामी दिनहरुमा पनि यस किसिमको सहयोगलाई निरन्तरता दिने प्रतिबद्धता व्यक्त गरे ।

संघले कोरोना राहतकोषको स्थापना गरी चितवन र आसपासमा रहेका विपन्न वस्तीमा राहत वितरण लगायत अन्य सामाजिक कार्यक्रमहरु संचालन गर्दै आइरहेको संघका कार्यकारी निर्देशक निलबहादुर केसीले जानकारी दिए ।

तनहूँका समासद् कृष्णकुमार श्रेष्ठको समन्वयमा गरिएको राहत वितरण कार्यक्रममा संघका द्वितीय उपाध्यक्ष चिरञ्जिवी सुवेदी, कार्यसमिति सदस्यद्वय राजेन्द्र ओली र लिलबहादुर क्षेत्री तथा वडा देवघाट– वडा नम्बर १ का जनप्रतिनिधिको सहभागिता रहेको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह