चतवन । सुकुम्बासी बस्तीमा चितवन । चितवनका युवा उद्यमी एवं पोल्ट्री व्यवसायी मनोज रानाभाटले आज आफ्नो जन्मदिनको अवसरमा विपन्नलाई राहत सामाग्री वितरण गरेका छन ।

भरतपुर महानगरपालिका वडा नम्बर २ , आंँपटारीमा रहेका १५ अति विपन्न घरधुरीलाई एक महिनालाई पुग्ने चामल, दाल, तेल, नुन लगायतका खाद्यसामाग्री दिएका हुन । हस्तान्तरण कार्यक्रममा बोल्दै रानाभाटले कोरोना कहरका बेला अति विपन्न परिवारलाई लक्षित गर्दै राहत सामाग्री वितरण गरिएको बताए ।

‘जन्मदिन र अन्य पार्टी, भोजमा गरिने फजुल खर्चलाई सामाजिक कार्यमा खर्च गरौं भन्ने सन्देश जाओस भन्ने हेतुले राहत दिएको हुंँ ’ रानाभाटले भने केही क्षण भएपनि उहांँहरुको समस्यामा साथ दिन पाउंँदा अत्यन्त खुशी लागेको छ ।’ केही बर्षदेखि आफूले व्यवसायबाट गरेको आम्दानीबाट केही रकम बचाएर यस्तै सामाजिक काम र दीनदःुखीको लागि खर्च गर्दै आएको उनले बताए ।

उक्त बस्तीमा झण्डै ३०० घरधुरी सुकुम्बासी घरधुरी रहेको अनुमान छ । दैनिक ज्यालादारी गर्ने एवं मागेर पनि खान नसक्ने घरपरिवारलाई छनोट गरी राहत वितरण गरिएको हो । आगामी दिनमा पनि अन्य यस्ता परिवारलाई क्रमशः राहतसामाग्री वितरण गर्दै जाने रानाभाटले प्रतिबद्धता व्यक्त गरे । सो क्रममा बोल्दै चितवन चेम्बर अफकमर्सका उपाध्यक्ष गोपाल भट्टराईले यस्ता घरपरिवारलाई हेर्ने दायित्व उद्यमी व्यवसायीको पनि भएकोले हरेक उद्योगी व्यवसायीले सामाजिक कार्यमा सहयोग गर्नुपर्ने बताए ।

‘सबैले सक्नेजति यस्ता परिवारलाई सहयोग गर्नु मानवीय र व्यवसायिक धर्म पनि हो ।’भट्राइले भने । विवाहत्सोव, जन्म दिन तथा विवाह पार्टीमा हुने खर्च कटाएर यस्ता सामाजिक कार्यमा खर्च गर्नुुपर्ने उनको भनाई छ । उक्त बस्तीका जागृति नमुना समाजका कोषाध्यक्ष ऋषिकेश अर्यालले कोरोनाले कामनै नपाएका , दैनिक ज्यालादारी गर्ने, बृद्धबृद्धा , अशक्त र बेसाहारा परिवार छनोट गरी राहत वितरण गरिएको बताए ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह