काठमाडौं । संवैधानिक आयोगका रुपमा स्थापना भएको समावेशी आयोग जातीय हिसाबले आफैं असमावेशी देखिएको छ । संवैधानिक परिषदबाट नियुक्त एक अध्यक्षसहित ५ सदस्यीय आयोगमा सबै पदाधिकारी खस आर्यबाट नियुक्त भएका छन् । आयोगको अध्यक्षमा पोखराका डा. रामकृष्ण तिमिल्सेना नियुक्त भएका थिए ।
सदस्यमा मकवानपुरकी बिष्णुमाया ओझा, बैतडीका हरिदत्त जोशी, पर्वतका पुष्पराज तिमिल्सिना र बझाङका मानबहादुर क्षेत्री छन् । उनीहरु सबै खस आर्य हुन् । समावेशी आयोग नै असमावेशी किन भन्ने प्रश्नमा आयोगका प्रवक्ता समेत रहेका उपसचिव पुष्कर भट्टराइले यसमा आफुले केही भन्न नसक्ने प्रतिक्रिया दिए । उनले भने, ‘पदाधिकारी सिफारिस गर्ने भनेको संवैधानिक परिषदले हो । परिषदले सिफारिस गरेपछि सरकारले नियुक्त गर्ने हो । यसमा हाम्रो केही पनि भूमिका रहदैँन तपाईंलाई थाहा नै भएको कुरा हो ।’
त्यसो त आयोगमा यो र यस्तो व्यक्ति तथा वर्ग समेटिनुपर्ने भनेर कतै भनिएको छैन । पदाधिकारी जोसुकै आए पनि आयोगले समावेशीताको क्षेत्रमा काम गर्दै आएको प्रवक्ता भट्टराइले बताए । उनले भने, ‘पदाधिकारी जो सुकै आए पनि केही फरक पर्दैन । आयोगले काम गर्ने भनेको खस, आर्य, जेष्ठ नागरिक, अपांगता भएका व्यक्ति, कर्णाली प्रदेश तथा सुदूरपश्चिको क्षेत्रमा हो ।
त्यो गर्दै आएको छ नै ।’ आयोगका पदाधिकारी नियुक्त नहुनुअघि पिछडावर्गको क्षेत्रमा काम गर्दै आएको व्यक्ति र अधिकारकर्मीले पिछडावर्गको प्रतिनिधित्व हुनुपर्ने माग गर्दै आएका थिए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.