त्यसपछि आयोगले दोस्रो प्रक्रियामा विवाद निरुपणको सुनुवाइका लागि दुवै पक्षका केन्द्रीय समितिमा रहेका नेताहरूलाई नागरिकतासहित ६ साउनमा आयोगमा बोलाएको छ । त्यसपछि आयोगले सोही आधारमा आधिकारिकताका लागि बहुमत हेर्न सनाखतसमेत गर्नेछ । यसबीचमा सुनुवाइका लागि जसपाका दुवै समूहले आआफ्ना कानुनी सहयोगीसमेत राखेर बहस पैरवी गराउनेछन् । सो व्यवस्था ऐनमा नै छ । जसपामा यादव पक्ष र ठाकुर पक्षबीच लामो समयदेखि आधिकारिकताको विवाद छ ।

दुवै पक्षले आआफ्नै समूह आधिकारिक रहेको दाबी गर्दै आइरहेका छन् । यस्तै दुवै समूहले एकअर्कामाथि कारबाहीसमेत गर्दै आइरहेका छन् । यादव पक्षले पछिल्लोपटक राजनीतिक दलसम्बन्धी ऐनको व्यवस्थामा नै टेकेर आयोगमा आधिकारिकता दाबी गर्दै निवेदनसमेत दिएको थियो ।

त्यसपछि आयोगले ठाकुर पक्षलाई यादव पक्षको दाबीबारे १५ दिनभित्र जवाफ माग गरेको थियो । आयोगको सो पत्रपछि ठाकुर पक्षले जवाफ पठाएको थियो भने त्यसपछि आयोगले विवाद मिलाउने प्रयासस्वरूप सहमतिका लागि दुवै समूहलाई आयोग बोलाएको थियो ।आजको राजधानी दैनिकमा समाचार छ ।