चितवन । भरतपुर महानगरपालिकाले राष्ट्रिय बाल दिवसको उपलक्ष्यमा महानगरपालिका स्तरिय माध्यमिक तह वक्तृत्वकला प्रतियोगिताको आयोजना गरेको छ । आज ( मंगलबार ) नेपाल शिक्षक संघ भरतपुरको समन्वयमा महानगरले नारायणी नमुमा माध्यमिक बिधालयमा वक्तृत्वकला प्रतियोगिताको आयोजना गरेको हो ।

वक्तृत्वकला प्रतियोगितामा १५ जना विद्यार्थी सहभागी रहेका थिए । सहभागी १४ जना विद्यार्थीलाई पछि पार्दै अन्नपुर्ण माध्यमिक विद्यालय पार्वतिपुरका प्रितम बास्ताकोटी प्रथम,एसओएस हर्मन इङ्ग्लिस बोर्डिङ स्कुलकी छात्रा श्रेया सुवेदी द्धितीय ,अकिंड इङ्ग्लीस बोर्डिङ स्कुलकी छात्रा स्वेता जमरकटेल तृतीय र प्याराडाईज इङ्ग्लिस बोर्डिङ पार्वतिपुरका उत्सव दाहाल सान्तोना भएका छन् ।

विजेता बास्ताकोटीले ५ हजार रुपैयाँ नगद र प्रमाणपत्र प्राप्त गरेका छन् भने द्धितीय ३ हजार नगद र प्रमाणपत्र प्राप्त , तृतीय २ हजार र १ हजार नगद सहित प्रमाण प्राप्त गरेका छन् । महानगरपालिकाले बालदिवसको अवसर पारेर यसअघि कक्षा १ देखि ५ कक्षासम्मका विद्यार्थी बिच चित्रकला प्रतियोगिताको आयोजना गरेको थियो भने,६ देखि ८ सम्मका विद्यार्थी बिच एकल गायत प्रतियोगिता आयोजना गरेको थियो ।

महानगर प्रमुख रेनु दाहालको अध्यक्षतामा भएको कार्यक्रममा उपमेयर पार्वति शाह ठकुरी, प्रमुख जिल्ला अधिकारी प्रेमलाल लामिछाने, प्रशासकीय अधिकृत भोजराज खतिवडा लगायतको उपस्थिति रहेको थियो ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो