चितवन । चितवनमा नयाँ नागरिकता लिने संख्याकै हाराहारीमा प्रतिलिपि नागरिकता लिने गरेको देखिएको छ । जिल्ला प्रशासन कार्यालय चितवनले चालु आर्थिक वर्ष २०७८÷०७९ को दुई महिनाको अवधिको तथ्यांक सार्वजनिक गरेको हो । भाद्र महिनासम्म प्रशासनबाट २ हजार २६८ वटा नयाँ नागरिकता जारी भएको तथ्यांक छ ।

सोही अवधिमा २ हजार ६८ जनाले प्रतिलिपि लिएको तथ्याङ्क रहेको छ । यस्तै भदौ महिनामा मात्रै १ हजार १०६ जनाले नागरिकताको प्रतिलिपि लिएको कार्यालयले जनाएको छ । ती मध्ये नयाँ नागरिकता लिनेहरुमा बंशजका धेरै रहेका छन । बंशजबाट २ हजार २६४ वटा नागरिकता जारी भएका छन् भने वैवाहिक अंगिकृत ४ वटा मात्र रहेका छन् ।

भदौ महिनामा मात्रै वंशजबाट ९८८ र वैवाहिक अंगिकृत २ वटा नागरिकता जारी भएको तथ्यांक छ । प्रशासनले हालसम्म २ जनाको नागरिकता भने रद्द गरेको छ । जसमधये भदौमा १ जनाको नागरिकता रद्द गरिएको छ । त्यस्तै प्रशासनले हालसम्म ९० वटा नाबालक परिचय पत्र जारी गरेको छ जसमा भदौ महिनामा मात्रै २८ जनालाई उक्त पत्र वितरण गरेको जानकारी दिएको छ ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने