☰

भर्खरै

लोकप्रिय समाचार

चितवनमा चाडपर्व लक्षित बिशेष सुरक्षा योजना लागु

  •   मङ्गलबार, असोज १९, २०७८ मा प्रकाशित
    • अ
    • अ
    • अ

    चितवन । चाडपर्वमा हुनसक्ने सम्भावित अप्रिय घटना तथा दुर्घटनाको न्यूनिकरण गर्न शान्तिपूर्णरुपमा मनाउने वातावरण सिर्जना गर्न चितवन प्रहरीले ‘चाडपर्व लक्षित विशेष सुरक्षा योजना’ लागू गरेको छ । चितवन प्रहरीले दसैँ, तिहार र छठ पर्वसम्मका लागि विशेष सुरक्षा योजना लागू गरेको हो । जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले जिल्लामा कुनै घटना तथा दुर्घटना भएमा तत्काल उद्धार गर्नका लाग क्विक रेस्पोन्स टिम (क्यूआरटी) सहितको सुरक्षा योजना निर्माण भएको जानकारी दिए । यसका लागि गाडी र मोटरसाइकलमा गरी २७ वटा क्युआरटी तयार पारिएको जानकारी दिए । भरतपुरमा मात्रै ९ वटा क्युआरटी रहने छन ।

    जिल्लामा नियमित बाहेक ट्राफिक प्रहरी सहितको १२ वटा स्थानमा संयुक्त चेकिङ गरिने थापाले बताए । बढी भिडभाड हुने ठाउँ तथा अपराधिक घटनाहरु हुनसक्ने ठाउँमा संयुक्त चेकिङ गरिने थापाको भनाई छ । त्यस्तै जिल्लाका चार स्थानका सीमा नाका (पुलचोक, लोथर, माडी र मुग्लिन)मा चेक प्वाइन्ट निर्माण गरिने थापाले जानकारी दिए । विशेष सुरक्षा योजनामा चार पाङ्ग्रे सवारीसाधन सहित जिल्लामा ११ वटा मोबाइल गस्ती टोली तयारी रहने बताईएको छ ।

    यसैगरी ३० स्थानमा पैदल गस्ती र पिकेट ड्युटीको टोली परिचालन गरिने थापाले बताए । जिल्लामा पिकेट ड्युटी टोली, धार्मिक र पर्यटकीय स्थलको सुरक्षा, बैंक तथा वित्तीय संस्था र आर्थिक कारोबार बढी हुने स्थानमा सादा पोसाकका प्रहरी, पैदल गस्तीका प्रहरी र मोबाइल क्युआरटी सहितको प्रहरी टोली परिचालन गरिने उनले बताए । जिल्लामा सादा पोसाकमा परिचालन गरिएका प्रहरीले संवेदनशील क्षेत्रको निरन्तर निगरानी र त्यहाँको वस्तुस्थितिबारे दिनहुंँ सूचना संकलन तथा रिपोर्टिङ हुने थापाको भनाइ छ ।

    त्यस्तै राजमार्गमा सञ्चालन हुने लामो दूरीका सवारीसाधनमा सुरक्षाको प्रबन्ध मिलाउँदै आवश्यकताअनुसार हतियारसहितको सुरक्षाकर्मी समेत परिचालन गरिने छ । लामो दूरीका सवारीसाधनमा दुई वटा चालक भए नभएको तथा सम्भावित लुटपाटको घटना नियन्त्रणका लागि हतियारसहितका प्रहरी परिचालन गरिने प्रहरीले जनाएको छ । चाडपर्व लक्षित सुरक्षा योजनाअनुसार जिल्लामा ७३७ जना जनशक्ति परिचालन हुने थापाको भनाइ छ । त्यसैगरी, जिल्लाका विभिन्न तीन स्थानमा यात्रु सहायता कक्ष निर्माण गरिएको छ ।

    नारायणगढको पुलचोक, पोखरा बसपार्क र केन्द्रीय बस टर्मिनलमा निर्माण गरिएको यात्रु सहायता कक्षमा ट्राफिक प्रहरी, जनपद प्रहरी र यातायात व्यवसायीका प्रतिनिधि रहने बताइएको छ । यात्रु सहायता कक्षबाट यात्रुहरुको पिरमर्काको समाधान तथा यात्रुलाई सुरक्षित रुपमा गन्तव्यमा पु¥याउन सहजिकरण गरिने थापाले बताए । यात्रु ठग्ने र बढी भाडा लिने सवारीसाधनलाई तत्काल कारबाही गर्नेगरी चितवनमा कार्यदल बनेको छ ।

    लोकप्रिय

    भर्खरै