चितवन । चितवनमा चालु आर्थिक बर्ष ०७८÷०७९ तीन महिनामा सवारी दुर्घटनाबाट ३८ जनाको मृत्यु भएको छ भने २१७ जना घाईते भएका छन । जिल्ला ट्राफिक प्रहरी कार्यालय, चितवनका अनुसार सवारी दुर्घटनाबाट सबैभन्दा बढी असोज महिनामा २० जनाको मृत्यु भएको छ । यस्तै श्रावण महिनामा ११ जना र भाद्र महिनामा ७ जनाको मृत्यु भएको छ ।

यस्तै श्रावण महिनामा सवारी दुर्घटनाबाट ७५ जना, भाद्र महिनामा ७३ जना र असोज महिनामा ६९ जना घाईते भएका थिए । कार्यालयका प्रमुख प्रहरी निरीक्षक भगवानराज थापाले असोज महिनामा चाडपर्व परेको र अत्यधिक सवारीको चाप हुंँदा बढी लापरवाही देखिएकोले दुर्घटना संँगै मानवीय क्षति बढी भएको बताउनुभयो । ती दुर्घटनामध्ये अन्य सडकमा भन्दो सबै भन्दा बढी दुर्घटना भित्री सडकमा हुने गरेका छन् । सजअनुसार तीन महिनामा भित्री सडकमा ६१ वटा सडक दुर्घटना भएका थिए ।

उक्त दुर्घटनामा १७ जनाको मृत्यु भएको थियो भने ६१ जना घाईते भए । यस्तै उक्त अवधिमा दोस्रो सबै भन्दा बढी पूर्व पश्चिम लोकमार्गमा ३२ वटा सडक दुर्घटना भएका छन । जसमा १२ जनाको मृत्यु भएको थियो भने ६३ जना घाईते भएको तथ्यांक छ । कार्यालयका अनुसार तीन महिनामा नारायणगढ मुग्लिन सडकखण्डमा २८ वटा सडक दुर्घटना भएका छन । उक्त दुर्घटनामा परेर ५ जनाको मृत्यु भएको थियो भने ३५ जना घाईते भएका छन ।

यस्तै पृथ्वीराजमार्गमा ६ वटा दुर्घटना भएकोमा ४ जनाको मृत्यु ८ जना घाईते भएका छन र जिल्लाको शहरीखण्डका सडकमा ९ वटा सवारी दुर्घटना भएकोमा ११ जना घाईते भएका छन भने सो अवधिमा कसैको मृत्यु भएको छैन । चालु आवको श्रावणदेखि असोजसम्म तीन महिनामा कुल १३६ वटा सवारी दुर्घटना भएका थिए । भित्री तथा ग्रामीण सडकमा ट्राफिक प्रहरीको पहुंँच पनि नपुग्ने र गल्ली तथा त्यस्ता सडकमा चालकले जथाभावी सवारी साधन चलाउने गरेका कारण मुख्य सडकहरुमा भन्दा बढी भित्री सडकमा दुर्घटना बढी हुने गरेको प्रमुख थापाले बताए ।

दुर्घटना बढेपछि चितवन ट्राफिकले हालैका दिनहरुमा चेकपोइन्ट, युनिट , जोखिमका क्षेत्रहरुमा २४ सै घण्टा नियमित चेकजांँच संँगै ट्राफिक सचेतनाका कार्यक्रम गरिरहेको छ ।

 

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने