चितवन । जिल्ला प्रशासासन कार्यालय चितवनले अबदेखि एमआरपी राहादानी फारम संकलन नगर्ने भएको छ । कार्यालयले शुक्रबार एक सूचना जारी गर्दै विद्युतिय राहदानी जारी गर्ने तयारी भइरहेकोले परराष्ट्र मन्त्रालयको राहादानी बिभागको पत्राचार अनुसार नै अबदेखि फारम संकलन नहुने जनाएको छ ।
मंसिर महिना भरीमा राहदानी विभागले तोकेका जिल्ला प्रशासन कार्यालय र ईलाका प्रशासन कार्यालयमा समेत विद्युतीय राहदानी (इ–पासपोर्ट) जारी हुने भएकोले अर्को सूचना नआएसम्म एमआरपी राहदानीको फरम संकलन नहुने भएको हो । राहदानी अत्यावश्यक भई कारण र प्रमाणसहित आउने सेवाग्राहीलाई भने एमआरपी द्रुत सिफारिस गरिदिने प्रशासनले जनाएको छ ।
राहदानी विभागले मंसिर १ गतेदेखि इ–पासपोर्ट जारी गरेको छ । बुधबारदेखि केन्द्रीयस्तरमा जारी भएको इ–पासपोर्ट मंसिर १५ गतेदेखि देशभरका जिल्ला प्रशासन कार्यालयबाट जारी हुनेछ । इ–पासपोर्टमा सबै बायोमेट्रिक विवरणहरु चिपमा राखिएका हुन्छन् । अगाडि वा पछाडिको कभरमा वा मध्यपृष्ठमा चिप र एन्टेना इम्बेड गरेर राखिएको हुन्छ ।
सेवाग्राहीलाई झन्झट कम हुने र आफ्नो विवरण पनि थप सुरक्षित हुने बताइएको छ । विद्युतीय पासपोर्ट ६ वटा रंगमा जारी हुनेछ। सर्वसाधारणलाई चकलेटी रंगको पासपोर्ट वितरण गरिनेछ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.