चितवन । नेपाली काँग्रेस चितवनको सभापति पदमा उम्मेदवार उत्तम जोशीले निर्वाचन अधिकृत कमलमोहन पोख्रेलको राजीनामाको भर्त्सना गरेका छन् ।

वर्तमान जिल्ला सचिव समेत रहेका जोशीले एक विज्ञप्ति जारी गर्दै निर्वाचन अधिकृत पोख्रेलको राजीनामाले शंका उपशंका उत्पन्न भएको बताएका हुन् । जिल्ला अधिवेशनको मिति तय भइसकेको अवस्थामा निर्वाचन अधिकृतको राजीनामा आउनुले विभिन्न संसय र आशंका उत्पन्न भएको विज्ञप्तिमा भनिएको छ ।

उनले निर्वाचन अधिकृत गैर जिम्मेवार भएको भन्दै भर्त्सना गरेका छन् । निर्वाचन गराउने अवस्था रहँदा रहँदै पनि हतासमा निर्वाचन रोकेर लोकतान्त्रिक पद्धतिलाई जबरजस्ती अवरुद्ध गर्न खोजिएको उनको ठहर छ । जोशीले तत्काल घोषित मितिमा निर्वाचन गर्न केन्द्रीय निर्वाचन समितिसँग माग पनि गरेका छन् ।

जोशीले मंगलबार औपचारिक रुपमा सभापति पदमा उम्मेदवारी घोषणा गरेका थिए । कांग्रेस चितवनका निर्वाचन अधिकृत पोख्रेलले पनि मंगलबार नै राजीनामा दिएका थिए । उनले आफ्नो स्वास्थ्य अवस्था प्रतिकुल रहेको भन्दै केन्द्रीय निर्वाचन समितिलाई राजीनामा पत्र बुझाएका छन् ।

कांग्रेसको चितवन जिल्ला अधिवेशन मंसिर १५ र १९ गते हुने तालिका छ । १५ गते मनोनयन दर्ता र १९ गते मतदानको कार्यक्रम तय भएको छ ।

यस्तो छ जोशीको विज्ञप्ति ?

विषयस् प्रेस बिज्ञप्ति

नेपाली कांग्रेसको चौधौं महाधिवेशनका क्रममा वडा, पालिका, प्रदेश, क्षेत्र स्तरीय निर्वाचन सम्पन्न भइसकेको र जिल्ला अधिवेशनका लागि यहीँ मिति २०७८र०८र१५ मा उमेदवारहरुको मनोनयन पत्र दाखिल गर्ने र २०७८र०८र१९ मा निर्वाचन गर्ने मिति तय भइसकेको अवस्थामा जिल्ला निर्वाचन प्रमुखको राजीनामा आउनुले विभिन्न संसय र आशंका उत्पन्न गरेको छ। निर्वाचन प्रमुखको यो गैरजिम्मेवार कृत्यको म घोर निन्दा र भत्सर्ना गर्दछु। निर्वाचन गराउन सक्ने अवस्था कायम रहँदा रहँदै हतास निर्वाचन रोक्नु लोकतान्त्रिक पद्धतिलाई जबर्जस्ती अवरुद्ध गर्नु हो भन्ने मेरो ठहर रहेको छ। म तत्काल घोषित मितिमा निर्वाचन गर्न केन्द्रीय निर्वाचन समिति समक्ष जोडदार माग गर्दछु। जयनेपाल।।

सभापति पदका उमेदवार

उत्तम जोशी

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने