चितवन । अटोमोबाइल्स एसोसिएसन अफ नेपाल (नाडा)को निर्वाचनमा चितवनका स्थापित अटोमोबाइल व्यवसायी गोपाल भट्टराईको पनि उम्मेदवारी रहने भएको छ । उनले सदस्य पदमा उमेदवारी दिएका छन् ।

झण्डै तीन दशक अघिदेखि यस व्यवसायलाई अघि बढाउंँदै आएका भट्टराईले करण चौधरीको प्यानलबाट केन्द्रीय कार्यसमिति सदस्य पदमा उम्मेद्वारी दिएका हुन् । भट्टराईले अटोमोबाइल्सको पेसा र व्यवसायको व्यवसायीकरण हक र हितको लागि आफ्नो उम्मेदवारी रहेको बताए।

‘मेरो यस व्यवसायको लामो अनुभव र व्यवसायी साथीहरुको माया सद्भावले सदस्यमा उम्मेद्वारी दिएको हुंँ’ उनले भने, ‘आशा छ सबैको मतबाट केन्द्रीय सदस्यको रुपमा काम गर्ने अवसर पाउने छु ।’ नाडाको आजबाट निर्वाचन प्रक्रिया सुरु भएको छ । भोलि (बिहिबार) काठमाडौंमा निर्वाचन हुंँदैछ । यसका लागि १७ जना निर्वाचित पदाधिकारी रहनेछन् । प्रत्येक प्रदेशबाट एक-एक जना गरी ७ जना केन्द्रीय समितिमा रहनेछन् ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो