चितवन ।  आन्दोलको तेस्रो दिन बोटलर्स तराई नेपाल लिमिटेडका मजदुरहरुले ८ घण्टा ढुवानीका सम्पूर्ण साधनहरुको आवतजावत ठप्प पारेको छन । बोटलर्सको वेयर हाउस विभागमा लोडअनलोडको काम गर्दै आएका मजदुरहरु आफूहरुलाई कम्पनिले बहाना बनाएर रोजगारीबाट हटाएको भन्दै आज  बिहान १० बजे देखि साझ ६  बजेसम्म सम्पूर्ण ढुवानीको साधनहरु आवतजावतमा रोक लगाएको हो ।

आन्दोलनमा ४४ जना मजदुरहरु सहभागी रहेका छन । विगत एक दशक देखि उनीहरु पवन ढुवानि सर्विसेस नारायणगढबाट बोटलर्समा लोडअनलोडको काम गर्दै आएका थिए । पवन ढुवानिले उनीहरको साथ छोडेसंगै कम्पनीले पनि  नयाँ ढुवानी संग हात मिलाई कार्यरत मजदुरहरुलाई रोजगारिबाट हटाउने काम भएपछि उनिहरु आन्दोलित भएका हुन ।

उनीहरले गत वर्ष चैत ६ गते देखि अखिल नेपाल ट्रेड युनियन महासंघ घटक, अखिल नेपाल मजदुर संघ बोटलर्स तराई नेपाल लिमिटेड मार्फत आन्दोलन गर्दै आएका छन । यस बीचमा भने कोरोना महामारीका कारण यो आन्दोलन स्थगित भएको थियो । आसार १ गतेबाट लकडाउन खुलेसंगै कम्पनीको कामकाज सञ्चालन हुन थालेपछि रोजगार खोसन पाहिदैन,  कम्पनीमा मजदुरी गर्दै आइरहेकाहरुलाई पुनर्बहालीको माग गर्दै मजदुरहरु पुनः आन्दोलीत भएको संघका अध्यक्ष  बुद्धिमान सेन्चुरीले बताउनु भयो । गएको डिसेम्बर महिनाबाट कम्पनीले लोड÷अनलोड गर्ने मजदुरहरुलाई हटाएको उहाँले जानकारी दिनुभयो ।

यस्तै संघका सचिव प्रलाद बरतौलाले जब देखि मजदुरहरुले राज्यले तोकेको पारिश्रमि माग गर्यो तब बाट कम्पनीले ढुवानी ठेकेदारसँग विभिन्न बहाना बनाएर आफूहरुलाई हटाएको षडयन्त्र गरेको बताउनु भएको छ।  सोही आधारमा आफुहरु न्यायका लागी सडकमा आएको उहाँले बताउनु भयो । मजदुर संघर्ष समितीले अहिलेको शान्ति पूर्ण आन्दोलनबाट पनि कम्पनीले माग सम्बोधन नगरे असार १५ गते देखि १५ दिनसम्मका लागी कम्पनीका सबै ढुवानीका सवारी साधनलाई आवतजावतमा पूर्ण रुपमा रोक लगाई तालाबन्दी गर्ने  चेतावनी दिएको  छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै