चितवन । सिद्धि विनायक बचत तथा ऋण सहकारी संस्थाले १२९५ जना शेयर सदस्यहरुको जीवन बिमा गरेको छ । उक्त जीवन बिमा उमेर हद ६४ वर्षमुनिका सम्पूर्ण शेयर सदस्यहरुलाई गरिएको संस्थाका अध्यक्ष थिरप्रसाद धितालले जानकारी दिए । अध्यक्ष धितालका अनुसार सदस्य राहत कोषलाई परिमार्जन गरी शेयर सदस्यहरुलाई अझ बढी सेवा सुविधा राहत प्रदान गर्ने उद्देश्य अनुरुप सो जीवन बिमा गरिएको बताए । संस्थाले आफ्नो सामाजिक उत्तरदायित्व बहन गर्दै शेयर सदस्यहरुको सम्पूर्ण वित्तीय समस्या समाधान गर्दै जोखिम न्यूनीकरणका लागि जीवन बिमा गरिएको उनको भनाइ छ । चितवनमा नै पहिलो पटक सहकारी संस्थाले सामुहिक नवीकरणीय जीवन बिमा गरेको अध्यक्ष धितालले दाबी गरे । संस्थाले देशको परिस्थिति तथा यो विषम घडीलाई मध्यनजर गर्दै बैशाख ८ गतेबाटै शेयर सदस्यहरुको जीवन बिमा गरी सकिएको उनले जानकारी गराए । संस्थामा रहेका शेयर सदस्यहरु कालगतिमा मृत्यु भएमा जीवन बिमा मार्फत ५० हजार तथा क्रिया खर्च स्वरुप १२ हजार ५०० गरी एकमुष्ठ ६२ हजार ५०० दिइने भएको संस्थापक व्यवस्थापक विकास पौडेलले जानकारी गराए । त्यसैगरी दुर्घटनाका कारणबाट मृत्यु भएमा ५ गुणा ९एकमुष्ठ ३ लाख० तथा क्रियाखर्च स्वरुप १२ हजार ५०० सहित ३ लाख १२ हजार ५०० दिइने भएको व्यवस्थापक पौडेलले बताए ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान