चितवन । गत जेठ १० गते रुकुम पश्चिममा घटेको घटनाका दोषीलाई कारबाहीको मागमा चितवनका नेकपा निकट बाहेक दलित अगुवाहरुले छुट्टै आन्दोलन गर्ने घोषणा गरेका छन् । शुक्रबार एक बिज्ञप्ति जारी गर्दै पीडितलाई न्याय दिलाउनका लागि सत्तारुढ पक्षका दलित अगुवाहरु सरकारको विरुद्धमा सशक्त रुपमा नलागेपछि नेकपा बाहेकका दलित संघ संगठन र संस्थाले आन्दोलनको घोषणा गर्न बाध्य भएको अगुवाहरुले बताएका छन् ।
भावमुलक आन्दोलनमा सरकार समर्थित जातिय मुक्ति समाज र नेपाल दलित मुक्ति मोर्चाको नेतृत्व पक्षबाट आस्था र विश्वासको आधारमा रुकुम घटना लगायतका आन्दोलनमा कमजोर भूमिका निर्वाह गरेको भन्दै त्यसबाट आठ वटा संस्थाले अलग्गै आन्दोलन गर्न थालिएको बिज्ञप्तिमा उल्लेख गरीएको छ ।
नेपाली काँग्रेस निकट नेपाल दलित संघकी अध्यक्ष शान्ति परियार (विश्वकर्मा)ले नेकपा निकट अगुवाहरुले पीडितका पक्षमा आवाज बुलन्द पार्न सक्रिय नभएको आरोप लगाउँदै आठ वटा संघ संस्थाले अलग्गै आन्दोलनका कार्यक्रम गर्न लागिएको जानकारी दिनुभएको छ । पीडितले न्याय नपाउदासम्म विभिन्न राजनैतिक पार्टी सम्बद्ध दलित संगठन, नागरिक समाज, स्वतन्त्र संघ संस्था सम्मिलित संयुक्त राजनैतिक दलित संघर्ष समिति गठन गरी संयुक्त रुपमा संघर्ष गर्ने निर्णय गरेको अध्यक्ष परियारले बताउनुभएको छ ।
शुक्रबार नेकपा निकट बाहेकका नेपाली काँग्रेस निकट नेपाल दलित संघकी अध्यक्ष शान्ति परियार, जनता समाजवादी पार्टी निकटको समाजवादी दलित मुक्ति महासंघका अध्यक्ष तुलाराम विश्वकर्मा, (नेकपा क्रान्तिकारी माओवादी) निकटको नेपाल दलित मुक्ति मोर्चा अध्यक्ष रामचन्द्र विश्वकर्मा, राष्ट्रिय प्रजातन्त्र पार्टी निकट राष्ट्रिय प्रजातान्त्रिक दलित संगठनका अध्यक्ष मिना विश्वकर्मा, वैज्ञानिक समाजवाद कम्युनिष्ट पार्टी नेपाल निकटका रुपलाल विश्वकर्मा प्रतिष्ठान अध्यक्ष अम्मर विश्वकर्मा, जात व्यवस्था उन्मुलन मोर्चा नेपालका अध्यक्ष पुरण रपाल, हाम्रो नेपाल हामी नेपाली अभियानका केन्द्रिय सदस्य सिमा घतान विश्वकर्मा, परियार सेवा समितिका सचिव लाल बहाद्ुर परियारले संयुक्त प्रेस विज्ञप्ती जारी गर्दै उक्त निर्णय गरेका हुन बताएका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.