काठमाडौँ । काठमाडौंको नागर्जुन नगरपालिका–६ रामकोटमा एकै परिवारका ५ जना बेहोस अवस्थामा फेला परेका छन् । काठमाडौं प्रहरी परिसरका अनुसार डाँडापौवास्थित दुईतले पक्की घरको दोस्रो तलामा फ्ल्याट भाडामा लिई बसेको एकै परिवारका ५ सदस्य विषादी खाएर बेहोस भएको अवस्थामा फेला परेका हुन् ।

आत्महत्याकाे प्रयास गरेका पाँचमध्ये एक जनाको मृत्यु भएको छ भने चार जनाको उपचार भइरहेको छ । मृत्यु हुनेमा काठमाडौं महानगरपालिका–१५ डल्लु स्थायी घर भएका ३३ वर्षीय सुर्वणमान प्रधान रहेका छन् भने बेहोस अवस्थामा रहेका अन्य घाइतेहरुको ६२ वर्षीया इन्दिरामाया प्रधान, ३८ वर्षका भीममान प्रधान, ३५ वर्षीया मन्दिरा प्रधान र ११ वर्षीया सुप्रिया प्रधानको मनमोहन अस्पताल, सीतापाइलामा उपचार भइरहेको प्रहरीले जनाएको छ ।

भेन्टिलेटरमा उपचाररत उनीहरू चारै जना अझै बोल्न सक्ने अवस्थामा छैनन् । उनीहरुले विषादी खानुको कारण तथा समय नखुले पनि हाल प्रहरीले घटनास्थलबाट सुसाइड नोट फेला पारेको छ । आर्थिक अवस्था बिग्रिएको, विरामी भएको लगायत विषय सुसाइड नोटमा उल्लेख रहेको प्रहरी स्रोतको भनाई छ ।

बिहीबारदेखि देशका विभिन्न क्षेत्रमा वर्षा हुने

विदेशी फूलको आयात रोक्न किसानको माग

अर्को साता वर्षाको सम्भावना, अहिल्यै त्रसित नहुन मौसमविद्को आग्रह