चितवन । चितवनको व्यस्त बजार नारायणगढको शहिदचोकमा मोडुलाज फर्निचर सञ्चालनमा आएको छ । उद्योग वाणिज्य संघ चितवनका अध्यक्ष चुननारायण श्रेष्ठले आज उद्घाटन गरेसँगै संचालनमा आएको हो । समाजले आधुनिकशैलीका फर्निचर माग गरिसक्दापनि त्यसको आवश्यकता पूरा नहुँदा आफूहरुले एउटा घरका लागि आवश्यक सवै फर्निचर उपलब्ध गराउनेगरी संचालनमा ल्याएको संचालकमध्येका एक बिनय श्रेष्ठले जानकारी दिनुभयो ।
मूल्यमा उपभोक्ता नठगिउन भनेर फर्निचरमै मूल्य टाँस गरी विक्रि गरिएको उहाँको भनाई छ । श्रेष्ठले भन्नुभयो,“मूल्य सुपथ हुन्छ । ग्राहकले वार्गेनीङनै गर्न नपर्नेगरी हामीले सेवा दिइरहेका छौ । हामी चिटिङ गर्दैनौँ । सिस्टममा चलेर गुणस्तरीय फर्निचरका सामान उपलब्ध गराउँछाँै । ” ४ जना दाजुभाई मिलेर करिव ७० लाखको लगानीमा संचालनमा ल्याएको र घर, कर्पोरेट अफिस,स्कुल तथा कलेज, होटल तथा लज, हस्पिटल लगायतका ठाउँमा आवश्यक पर्ने गुणस्तरीय फर्निचर पाइने उहाँको भनाई छ ।
उत्पादन समेत आफै गर्नेहुँदा गार्डन र स्विमिङ पुललगायतका आउटडोरका लागि पनि आवश्यकता अनुसार फर्निचर उपलब्ध हुने उहाँको भनाई छ । अर्का सञ्चालक प्रसन्न श्रेष्ठका अनुसार शुभारम्भको अवसरमा एक साताका लागि सात प्रतिशत छुटको व्यवस्था गरिएको छ । उक्त फर्निचरमा पाइने सामग्रीको १० वर्षसम्म वारेन्टी रहेको संचालकहरुको भनाई छ ।
अहिले ५ हजारदेखि ३ लाखसम्म पर्ने सामग्री उपलब्ध छन्। आफूहरुको उत्पादन देखेर मानिसहरुले चाइनिज भन्ने गरेको तर यहीको डिजाइनमा गुणस्तरीय फर्निचरहरु सतुङ्गगलमा रहेको उद्योगमा निर्माण हुने उहाँको भनाई छ । पछिल्लो समय मानिसहरुले युरोपियन डिजाइनका थोरै तर धेरै काम दिने खालका फर्निचर खोज्ने गरेको भन्दै त्यो आवश्यकता मोडुलाजले पूरा गर्ने उहाँले बताउनुभयो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.