चितवन । पाँचौ गणेश बहादुर स्मृति जिल्ला स्तरीय खुल्ला नकआउट फुटबल प्रतियोगिता शनिबारदेखि सुरू हुने भएको छ । युनिक क्लब बसेनी भरतपुरको आयोजनामा हुने प्रतियोगिता बैशाख २४ गतेसम्म चल्नेछ ।
प्रतियोगितामा चितवन, नवलपुर र मकवानपुरका गरी १६ टोली सहभागी छन् । सहभागी टिमलाई समूहमा विभाजन गरिएको छ । समूह ‘ए’ मा टाइगर युथ क्लब, हर्दी युवा समाज, पदमपोखरी फुटबल ट्रेनिङ सेन्टर हेटौंडा, रामपुर फुटबल क्लब रड्स, केबिए ग्लोबल भरतपुर फुटबल क्लब (बिएफसी) सौराहा युवा समाज, एफसी नौरङ्गे र नारायणी मोटर्स युनिक क्लब बसेनी ‘ए’ रहेका छन् ।
समूहमा ‘बी’ मा सेन्ट्रल कलेज एभरेष्ट क्लब, कैलाश युवा क्लब, भरतपुर २९, देवचुली ११ नवलपुर, युनिक क्लब बसेनी ‘बी’ नयाँबस्ती फुटबल ट्रेनिङ सेन्टर, नारायणी एफसी र एफसी भरतपुर ९ रहेका छन् । दुबै समूहबाट एक-एक टोली फाइनल प्रवेश गर्नेछ ।
प्रतियोगिताका खेलहरु भरतपुर ११ कैलाश टोलस्थित मैदानमा हुनेछ । उद्घाटन खेलमा शनिबार टाइगर युवा क्लब र हर्दी युवा समाज भिड्नेछन् । खेल दिउँसो ३ बजे हुने आयोजक युनिक क्लबका अध्यक्ष दीपक गुरुङले जानकारी दिए । प्रतियोगिताको सम्पूर्ण तयारी पुरा भएको उनले बताए ।
प्रतियोगिताको विजेताले एक लाख २० हजार तथा उपविजेताले ६० हजार प्राप्त गर्नेछन् । सर्वोकृष्ट खेलाडीले पाँच हजार तथा उत्कृष्ट गोलरक्षक, डिफेन्स, स्ट्राईकर, उच्च गोलकर्ता तथा उदयमान खेलाडीले नगद तीन-तीन हजार प्राप्त गर्ने संयोजक निर्मल अंगाईले जानकारी दिए । नारायणी मोटर्स मुख्य प्रायोजक रहेको प्रतियोगिताको सह-प्रायोजकमा सेन्ट्रल कलेज रहेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.