पदमपोखरीको जितमा प्रशान्त भोलान र अमिर श्रेष्ठले समान दुई-दुई तथा सोहन मोक्तान र रुपेश केसीले एक-एक गोल गरे । रड्सका सलिल ढकाल र आश्विन तामाङले एक-एक गोल फर्काए ।

पदमपोखरीले पहिलो हाफको २६ औं मिनेटमा अग्रता लिएको थियो । उसका लागि सोहन मोक्तानले पहिलो गोल गरेका थिए । दोस्रो हाफमा गोलको वर्षा भयो । दोस्रो हाफको चौथो मिनेटमा नै सलिल ढकालले गोल गर्दै रड्सलाई खेलमा फर्काउने संकेत गरेका थिए ।

तर दोस्रो हाफको १४ औं मिनेटमा रुपेश केसीले गोल गर्दै पदमपोखरीलाई अग्रता दिलाए । १९ औं मिनेटमा प्रशान्त तामाङले गोल गर्दै पदमपोखरीको अग्रता लम्बाए । २६ औं मिनेटमा उनले व्यक्तिगत दोस्रो गोल गरेपछि पदमपोखरीले ४-१ को अग्रता लियो ।

३३ औं मिनेटमा अमिरले पदमपोखरीलाई ५-१ को अग्रता दिलाए । अतिरिक्त समयको पहिलो मिनेटमा अमिरले व्यक्तिगत दोस्रो गोल गरेपछि पदमपोखरीले ६-१ को अग्रता लियो । अतिरिक्त समयको दोस्रो मिनेटमा रड्सका अश्विन तामाङले गोल गरे पनि हार टार्न सकेनन् । पदमपोखरीका अमिर म्यान अफ दि म्याच घोषित भए ।

प्रतियोगितामा सोमबार दुई खेल हुनेछ । सोमबार पहिलो दिउँसो २ भरतपुर १९ र देवचुली ११ नवलपुरबीच हुनेछ भने दोस्रो खेलमा दिउँसो ४ बजे नारायणी मोटर्स युनिक क्लब बसेनी ‘बी’ र नयाँ बस्ती फुटबल ट्रेनिङ सेन्टर भिड्नेछन् ।

युनिक क्लब बसेनीको आयोजनामा जारी प्रतियोगिताको विजेताले एक लाख २० हजार तथा उपविजेताले ६० हजार प्राप्त गर्नेछन् । सर्वोकृष्ट खेलाडीले पाँच हजार तथा उत्कृष्ट गोलरक्षक, डिफेन्स, स्ट्राईकर, उच्च गोलकर्ता तथा उदयमान खेलाडीले नगद तीन-तीन हजार प्राप्त गर्ने क्लबका अध्यक्ष दीपक गुरुङले जानकारी दिए । प्रतियोगिताको फाइनल २४ गते हुनेछ ।