चितवन । चितवनको भरतपुर महानगरपालिकाले गत आर्थिक वर्ष भन्दा यसवर्ष संघीय सरकारबाट बढी रकम प्राप्त गर्न सफल भएको छ । सरकारले भरतपुरलाई आर्थिक वर्ष २०७९÷८० का लागि १ अर्ब ८० करोड २४ लाख रुपैयाँ अनुदान बजेट दिएको हो । चालु आवका लागि भरतपुरले १ अर्ब ६४ करोड २८ लाख रुपैयाँ अनुदान पाएको थियो ।
जुन अनुदान गत वर्षको तुलनामा १५ करोड ९६ लाख रुपैयाँ बढी हो । भरतपुरले समपूरक २ करोड ५० लाख रुपैयाँ र विशेष अनुदान १४ करोड ८ लाख रुपैयाँ पाएको छ । १ अर्ब २२ करोड ४५ लाख सशर्त अनुदान पाएको भरतपुरले वित्तीय समानीकरण अनुदानमा ५१ करोड ६९ लाख रुपैयाँ हात पारेको छ ।
यसपटक पनि भरतपुर महानगरपालिकाको मेयरमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’की छोरी रेनु दाहाल निर्वाचित भएकी छन् । यसले गर्दा भरतपुरले विगत भन्दा यसपटक झनै प्राथमिकतामा पाएको देखिन्छ ।
मेयर दाहालकै पहलमा भरतपुरमा ठूल–ठूला आयोजनाहरु आउन सफल भएका छन् । संघीय सरकारले यसै वर्षदेखि सुरु गर्ने गरि भरतपुरमा शिक्षक अस्पतालका लागि समेत बजेट छु्ट्याई सकेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.