चितवन । चितवन राप्तीका राजकुमार चेपाङसहित साथीहरुलाई कुटपिट गर्ने नेपाल आर्मीलाई सार्वजनिक गर्नु पर्ने आवाज उठेको छ । राप्ती २ सुर्यमुखी टोलका राजकुमारलाई माछा मार्न गएका वेला नेपाल आर्मीले कुटपिट गरेका थिए । साउन १ गते कुटपिटबाट घाईते भएका उनको गत बुधवार मृत्यु भएको थियो । सोही घटनाको विषयलाई लिएर मंगलवार राप्ती नगरपालिकामा भएको छलफलमा नगरपालिकाका मेयर,उपमेयर,वडाध्यक्षहरु ,दलका प्रतिनिधीहरु,परिवार तथा आफन्तहरुले दोषीलाई सार्वजनिक गर्नु पर्ने वताएका हुन् । छलफलका क्रममा उनीहरुले राजकुमार सहित उनका साथीहरुलाई कुटपिट गर्ने आर्मीलाई सार्वजनिक गरी कारवाही गर्नु पर्नेमा सवैको एकमत रहेको राप्ती नगरपालिका उपमेयर इमानसिंह लामाले वताए । दोषीलाई सार्वजनिक नगरेसम्म राजकुमारको शव अन्तिम संस्कारका लागि उठाउन नहुनेमा समेत सवैको एउटै आवाज रहेको उपमेयर लामाले वताए । चितवनमा पोस्टमार्टम संभव नभएपछि राजकुमारको शवलाई काठमाडौ लगेर पोस्टमार्टम गरिएको छ । रिपोर्ट भने आएको छैन् । उनको शव टिचिङ अस्पतालको शव गृहमा छ । चितवन राष्ट्रिय निकुञ्जका प्रमुख संरक्षण अधिकृत नारायण रुपाखेती,जिल्ला प्रहरी कार्यालय चितवनका प्रमुख नान्तीराज गुरुङसहित सहभागीत छलफलमा दोषीलाई सार्वजनिक गर्नु पर्ने,पीडित परिवारलाई उचित क्षतीपूर्ती दिनु पर्ने माग गरिएको थियो । राप्ती नगरपालिका मेयर प्रभा बरालले माछा मार्न गएकै कारण आफ्ना नगरवासीहरुलाई कुटपिट गर्ने छुट कसैलाई नरहेको वताईन् । ज्याजती कसैलाई गर्ने छुट छैन् मेयर बरालले भनिन् – दोषीलाई तुरुन्त सार्वजनिक गरि कारवाहीको दायरामा ल्याउनु पर्छ । सो क्रममा चितवन राष्ट्रिय निकुञ्जका प्रमुख संरक्षण अधिकृत रुपाखेतीले कुटपिटमा सलग्नलाई सार्वजनिक गर्ने विषयमा सहयोग गर्ने वताए । छलफलमा वडाध्यक्षहरु श्यामसुन्दर उप्रेती,अर्जुन प्रजा,कार्यपालिका सदस्यहरु,लोथर उपभोक्ता समितिका अध्यक्ष मानवहादुर स्याङ्वो,नेपाल चेपाङ संघका केन्द्रिय उपाध्यक्ष सुनिमाया चेपाङ,दलका प्रतिनिधिहरुको उपस्थिती रहेको थियो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै