१ को क मा धन वहादुर गुरुङ्को दाबी रहेको उहाँ बताउनुहुन्छ । सोही प्रदेशमा आफ्नो दाबी रहेको क्षेत्रीय सभापति किरणभूषण ओलीले बताउँदै आउनु भएको छ । १ को ख मा गिता देवकोटा, बासु ढुङ्गाना, उत्तम आचार्य, राजु शिलवाल र कुमार कार्कीले इच्छा व्यक्त गरेको खनालले जानकारी दिनुभयो । क्षेत्र नम्बर २ मा सभापति खनाल र निवर्तमान सभापति जीतनारायण श्रेष्ठको दाबी रहेको उहाँले बताउनुभयो । खनालले आँफुलाई जानकारी नभएको भने पनि उमेश श्रेष्ठ र मिलनबाबु श्रेष्ठले सोही क्षेत्रबाट आफ्नो दाबी रहेको सार्बजनीक कार्यक्रममा बताउँदै आउनु भएको छ ।

प्रदेश २ क मा दिपक आचार्य, टंकनाथ पौडेल, कमल आचार्य र राम वहादुर लामाको दाबी रहेको छ । २ ख मा देवेन्द्र गुरुङ, उत्तम जोशी र ध्रुब पोख्रेलले दाबी गर्नु भएको खनालले जानकारी दिनुभयो । क्षेत्र नम्बर ३ बाट टेक प्रसाद गुरुङ, रामकृष्ण घिमिरे र दिनेश कोइरालाको दाबी रहेको खनालको भनाई छ । केन्द्रिय सदस्य अञ्जनी श्रेष्ठले पनि सोही क्षेत्रमा दाबी रहेको बताउँदै आउनुभएको छ । प्रदेश नम्बर ३ क मा प्रा.डा. सूर्य कान्त घिमिरे, बिजय भूषाल र राजीव न्यौपानेको दाबी रहेको छ । यस्तै ३ ख मा कैलाश कोइराला, साजन महतो र लाल वहादुर दवाडीको दाबी रहेको खनालले जानकारी दिनुभयो ।

यस्तै नेकपा माओवादी केन्द्र चितवनले क्षेत्र नम्बर ३ बाट पार्टी अध्यक्ष पुष्पकमल दाहाल प्रचण्डलाई उम्मेदवार बनाउने सर्बसहमत निर्णय गरिसकेको छ । जिल्ला अध्यक्ष रामचन्द्र अधिकारीका अनुसार अन्य क्षेत्र र प्रदेशमा गठवन्धनको टुङ्गो लागेपछि आफ्नो उम्मेदवारी दिनुपर्ने ठाउँमा पार्टीले छनोट गर्ने छ । पार्टीले चुनाबी अभियानलाई अघि वढाएको उहाँ बताउनुहुन्छ । आन्तरिक संगठन सुदृढिकरण तथा जनसम्बन्ध बिस्तारका कार्यक्रम सुरु गरिएको उहाँको भनाई छ ।

नेकपा समाजबादीका नेता कृष्ण खनालले गठवन्धनको निर्णय अनुसार आफ्नो उम्मेदवारी क्षेत्र नम्बर १ बाट संघमा वा १ ख बाट प्रदेशमा हुने बताउनुभयो । राप्रपाका उपाध्यक्ष बिक्रम पाण्डेले आफ्नो उम्मेदवारी क्षेत्र नम्बर ३ मा हुने बताउनुभएको छ । जिल्ला अध्यक्ष रुद्र ढकालका अनुसार क्षेत्र र प्रदेश सबैमा आफ्ना उम्मेदवार हुने बताउनुभयो । गठवन्धन भएमा सोही अनुसार मिलाईने उहाँको भनाई छ ।

जिल्लामा नेकपा एमाले र राप्रपाले स्थानीय तहको निर्वाचनमा केही ठाउँमा गठवन्धन गरेका थिए । सत्ता र बिपक्षि दुई गठवन्धन वनेमा आँफुले दाबी गरेका क्षेत्रबाट अन्यत्र दाबी गर्नुपर्ने बाध्यता जिल्ला नेताहरुमा हुने छ ।
क्षेत्र नम्बर २ बाट खाना र खेतीपाती अभियान्ता डा. कृष्णप्रसाद पौडेलले आफ्नो उम्मेदवारी पत्रकार सम्मेलनको आयोजना गरी घोषणा गर्नुभएको छ । यस्तै तारा पौडेलले आफ्नो उम्मेदवारी क्षेत्र नम्बर ३ बाट हुने जनाउँदै आउनुभएको छ । दलहरुमा दाबी गर्नेहरु धेरै छन् ।

जिल्ला नेतृत्व संग दाबी गर्नेहरुको नाम बाहीर आए पनि प्रदेश र केन्द्रमा सोझै दाबी गरिरहेकाहरुकतिपय सार्बजनीक भईसकेका छैनन् । साना र नयाँ दलहरुका उम्मेदवारका नाम आइसकेका छैनन् ।