टांँडीको पल्पी जुस प्लान्टमा भीषण आगलागी, निभाउने क्रम जारी

चितवन । रत्ननगरको एक जुस प्लान्टमा भीषण आगलागी भएको छ । रत्ननगरनगरपालिका वडा नम्बर १० स्थित भेषराज दुवाडी सञ्चालक रहेको युनाईटेडेट वेभरेज प्रालिको पल्पी जुस प्लान्टमा आगलागी भएको हो ।

जिल्ला प्रहरी कार्यालय चितवनका अनुसार आज बिहान ४ बजेर १० मिनेटमा प्लान्टमा विद्युत सर्टभई आगलागी भएपछि ईलाका प्रहरी कार्यालय टांँडीको टोली, स्थानीय, खैरहनी नगरपालिका र भरतपुर महानगरपालिकाको दमकलको सहायतामा आगो निभाउने कार्य भईरहेको छ ।

हालसम्म आगो नियन्त्रणमा नआएको र थप खतरा नरहेको प्रहरीले जनाएको छ । क्षतिको विवरण आउन बांँकी छ ।