चितवन । भरतपुर महानगरपालिका क्षेत्र शुक्रबार राती १२ वजेबाट निषेधाज्ञा जारि गरिए संगै यहाँका जनजीवन ठप्प भएको छ । उद्योग, कालकारखाना, वजार, यातायात न्यूनमात्र चलेका छन् ।
अत्याकश्यक वाहेकका अन्य क्षेत्रमा निषेधाज्ञा जारी गरिएको छ। जिल्ला प्रशासन कार्यालय चितवनले भरतपुर महानगरपालिकामा निषेधाज्ञा जारीएको हो । प्रमुख जिल्ला अधिकारी नारायण प्रसाद भट्टराईद्वारा जारी एक सूचनामा भदौं ५ गतेसम्मका लागि भरतपुरमा निषेधाज्ञा जारी गरिएको उल्लेख छ । निषेधाज्ञा जारी भए संगै जिल्ला भएर राजमार्गमा चल्ने अत्याबश्यक र लामो दुरीका सवारी साधन मात्र चलेका छन् ।
निषेधाज्ञा पछि स्थानीयहरु घरमानै रहेका छन् । अत्याबश्यक सामाग्री खरिदका लागि विहान र वेलुका ५ वजे देखि ८ वजे सम्म पसलहरु खोल्न दिईएको छ । विहानीपाख सामान्य चहलपहल भए पनि बिस्तारै चहलपहल घट्दै गएको छ । कोरोना संक्रमण वढ्दै गए पछि स्थानीय प्रशासन ऐन, २०२८ को दफा ६ को उपदफा ९३० बमोजिम भरतपुर महानगरपालिकाको सम्पूर्ण क्षेत्रभित्र लागू हुने गरी निषेधाज्ञा जारी गरिएको प्रमुख जिल्ला अधिकारी भट्टराईले जानकारी दिनुभयो । आदेशको अवज्ञा गरिएमा प्रचलित कानुन बमोजिम कार्वाही गरिने उहाँले बताउनुभयो । 
पछिल्लो समय चितवनमा कोरोना भाइरस (कोभिड–१९) संक्रमण फैलिदै गएकोले यसलाई नियन्त्रण गर्न निषेधाज्ञा गर्नुपरेको उहाँको भनाई छ । भरतपुर महानगरमा गएको चार दिनमा ३० जनामा कोरोना संक्रमण देखिएको छ । हाल सम्म १ सय जनामा संक्रमण देखिएकोमा एक जनाको मृत्यु भएको छ भने अन्य निको भएका छन् । कोरोनाको संक्रमण वढ्दै गए पछि महानगर क्षेत्रमा निषेधाज्ञा जारी गरिएको हो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.