रत्ननगर । रत्ननगर नगरपालिका वडा नं ६ निवासी सकुन्तला कर्णको परिवारलाई आयआर्जनको लागि बाख्रा प्रदान गरिएको छ । शान्ति समुहद्धारा सञ्चालित सुरक्षाका लागि साथ साथ परियोजना अन्तर्गत सोमबार चार वटा बाख्रा प्रदान गरिएको हो ।
आयआर्जन मार्फत जीविकोपार्जनको आधार तय गर्न ४० बजार रुपैया बराबरको बाख्रा प्रदान गरिएको हो । वडा नं ६ का वडाध्यक्ष किरण महतो र रत्ननगर नगरपालिकाकी महिला विकास अधिकृत दीपा घिमिरेले कर्णलाई बाख्रा हस्तान्तरण गरेका थिए । सो अबसरमा वडाध्यक्ष महतोले परियोजनाले प्रदान गरेको सहयोगलाई अबसरको रुपमा लिएर आर्थिक उपार्जनको माध्यम बनाउन आग्रह गरे ।
यो सामान्य सहयोग होइन उनले भने यसलाई जीविकोपार्जनको दलिलो माध्यम बनाउन सक्नु पर्छ । परियोजनाकी अधिकृत इन्दिरा सापकोटाले आयआर्जन मार्फत जीविकोपार्जनको आधारशिला तयार गर्न बाख्रा वितरण गरिएको बताइन् । उनले आर्थिक अबस्था कमजोर भएका गरिव तथा सीमान्तकृत समुदायको क्षेत्रमा परियोजनाले काम गर्दै आएको जानकारी दिइन् ।
कार्यक्रममा बाल अधिकारकर्मी निशा मगर लगायतको सहभागिता रहेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.