नारायणगढ । स्थापनाको ४० वर्ष पुरा भएकोे अवसरमा नबिल बैंकले शनिवार नारायणगढमा प्रभातफेरी कार्यक्रम सम्पन्न गरेको छ । बैंकको नारायणगढ पूल्चोकमा रहेको मनकामना क्लस्टर कार्यालयबाट सुरु गरिएको प्रभातफेरी कार्यक्रम मेनरोड गंगोत्रीमार्ग शहिदचोक, मिलनरोड, पुतलीबजार हुँदै पुनः क्लस्टर कार्यालय पूल्चोकमा आई सम्पन्न भएको थियो ।
‘दिगो पाइला’ भन्ने मूल नाराका साथे प्रभातफेरी कार्यक्रम आयोजना गरिएको हो । प्रभातफेरीमा यस क्षेत्रका सम्पूर्ण शाखाका सयौंको संख्यामा कर्मचारीहरुको सहभागिता रहेको थियो । वि.स. २०४१ सालमा स्थापना भएको नबिल बैंक निजी क्षेत्रतर्फको पहिलो बैंक हो । वार्षिकोत्सवको अवसरमा देशैभरी विभिन्न कार्यक्रम आयोजना गरेर मनाइएको नारायणगढ शाखाका शाखा प्रवन्धक कपिल केसीले बताउनुभयो ।
नेपाल अरब बैंक इन्टरनेसनल लिमिटेड (नबिल) का नाममा २०४१ असार तदनुसार १२ जुलाइ १९८४ मा स्थापना भएको नबिल बैंक व्यवसाय विस्तार, डिजिटाइजेनसमा अब्बल र लगानीकर्तालाई उच्चतम प्रतिफल दिने बैंकका रुपमा परिचित छ । नबिल बैंक देशको बैंक तथा वित्तीय संस्थाको सूचीमा सर्वोउत्कृट बैंक भने पनि चिनिन्छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.