चितवन । चितवनको कालिका नगरपालिका क्षेत्रमा पटक- पटक विधुत जानेआउने समस्यावाट यहाँका नागरिक आजित भएका छन् । वर्षायाममा नदी प्रवाहमा आधारित जलविद्युत् आयोजनाले पर्याप्त मात्रामा विधुतत उत्पादन गरेपनि विधुत आउने जाने समस्या सामाधान भएन । व्यापार व्यवसाय देखि खेतीपातिगर्ने किसानहरुलाई समेत समस्यापर्दै गएको छ ।
अत्यधिक गर्मी बढेपनि पटक–पटक हुने अघोसित लोडसेडिङले सर्वसाधारणको दैनिकी अस्तव्यस्त बनेको छ । बजार क्षेत्रमा बिजुली कति बेला आउने र जाने कुनै निश्चित छैन । नियमित बिजुली नहुँदा सर्वसाधारण गर्मी सहन बस्न बाध्य छन् । कालिका नगरपालिकाको पनि पदमपुर क्षेत्रमा अत्यािधक विद्युत आउने जाने भइरहेको लामो समय भयो ।
तर यो विषयमा विद्युत प्राधिकरण गम्भीर भएन । खेतिपातिको सिजन चलिरहेको छ । खेतवारीमा पानी हाल्न समस्या छ । यो ठाउँमा सतही सिंचाईको व्यवस्था छैन । कि वर्खाको भरपनुपर्छ कि ठाउँठाउँमा बनाइएको बोरिङको पानीमा निर्भर हुनुपर्छ । तर विद्युत आउने जाने समस्याले किसानले आफ्ना बालीनालीमा पानी लगाउन समेत पाएका छैनन् । यो विषयमा स्थानीय टोल विकास संस्थाका प्रतिनिधिहरु टाँडी वितरण केन्द्र पुगेर ध्यानाकर्षण गराएका थिए ।
यस अघिपनि कालिका नगरपालिकाका मेयर विनोद रेग्मी स्वम् आफै प्राधिकरण पुगेर लाइन आउने जाने समस्या बारे ध्यानाकर्षण गराउन प्राधिकरण शाखा टाँडी पुगे । तर समस्या जस्ताको त्यस्तै छ । प्राधिकरण शाखा टाँडीले विद्युतको खपतबढी हुने समय भएकाले यस्ता खालका समस्या देखिएको बताए ।
पदमपुर क्षेत्रमा एकघण्टामा चारपाँच पटक सम्म विद्युत आउने जाने गरेको छ । यस्ले गर्दा कार्यालयमा प्रयोग भइरहेको विधुतय उपकरणहरुमा समेत क्षति हुनेगरेको छ । यहाँका सहकारी संस्था देखि बैंक तथा वित्तिय संस्थाहरुपनि चर्कोमारमा छन् । स्कुलमा अध्ययरत्त बालबालिका देखि सबै क्षेत्रमा विधुत आउने जाने समस्याले प्रभाव पारेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.