चितवन  ।  यसै वर्षबाट बिएचएम कोर्स सुरु गर्न लागेको बोस्टन इन्टरनेसनल कलेजमा मंगलबार बिएचएम ओपन हाउस कार्यक्रम सम्पन्न भएको छ। आगामी शैक्षिक वर्ष देखि बोस्टनमा सुरु हुन लागेको बिएचएम कार्यक्रमको बारेमा थप जानकारी दिने उद्येश्यले ओपन हाउस कार्यक्रममा आयोजना गरिएको हो।

उक्त कार्यक्रमबाट अभिभावक र विद्यार्थीहरुले बिएचएम को बारेमा विस्तृत रुपमा जानकारी प्राप्त गरेका हुन्। होटल तथा पर्यटन क्षेत्रका राष्ट्रिय तथा अन्तराष्ट्रिय रुपमा प्रतिष्ठित व्यक्तिहरूको सहभागितामा कार्यक्रम सम्पन्न भएको हो। कार्यक्रममा प्याल छलफलको माध्यमबाट बिएचएम को महत्त्व र यसका राष्ट्रिय तथा अन्तराष्ट्रिय रुपमा रहेका फाइदाका बारेमा जानकारी प्रदान गरिएको हो।

ओपन हाउस कार्यक्रममा आइटिसी होटेल्स इन्डियाका पूर्व उपाध्यक्ष मनोज विरमानी, नेपालको प्रथम फाइभ स्टार एक्जिक्युटिभ सेफ तथा राजकीय सेफ गोविन्द नरसिंह केसी, बाराही जंगल लाजका जेनेरल म्यानेजर प्रकाश चन्द, सिएमटी‌ रिसोर्टका एक्जिक्युटिभ सेफ राजन कुमाल, इम्प्याक्ट पोलिनेट ग्रुपकी‌ संस्थापक निर्देशक सिता अधिकारीको उपस्थिति रहेको थियो।

लन्डन एक्जिक्युटिभ सेफ तथा बीबीसी मास्टरसेफ २०२० फाइनलिष्ट सन्तोष शाहले अनलाइन मार्फत भिडियो संदेश पठाएका थिए। प्यानल छलफललाई रुपेश श्रेष्ठले सहजीकरण गरेका थिए भने बोस्टनका बिएचएम कार्यक्रमका सह- संयोजक विमल अर्यालले स्वागत मन्तव्यका क्रममा बोस्टनको‌ बिएचएम कार्यक्रमको यो नयाँ प्रयासले हस्पिटालिटि शिक्षा क्षेत्रमा उत्कृष्ट योगदान दिने विश्वास व्यक्त गरे।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने