चितवन । चितवनमा सवारी दुर्घटना न्युनिकरण गर्न सार्वजनिक सवारीसाधनका चालकहरुलाई प्रतिबद्दता कार्यक्रम गरिने भएको छ । जिल्ला ट्राफिक प्रहरी कार्यालय चितवनको आयोजना तथा बागमती प्रदेश सरकार आन्तरिक मामिला तथा कानुन मन्त्रालयको सहकार्यमा असोज ३ गते संविधान दिवसका अवसरमा चालकहरुलाई प्रतिबद्दता कार्यक्रम गरिने भएको हो ।
प्रतिबद्दता कार्यक्रम भरतपुरको पारस बसपार्कमा जिल्ला प्रशासन कार्यालय चितवनका प्रमुख ईन्द्र देव यादवले उद्घाट गरेसँगै सुरु हुने छ । कुनै पनि व्यक्तीको सवारी दुर्घटनामा परेर ज्यान गुमाउन नपरोस् भन्ने उदेश्यले दुई पाङ्रे स्कुटर, मोटसाईकल र सबै प्रकारका यात्राुबाहक सवारीसाधनका चालकलाई यो अभियान सुरु गर्न लागिएको जिल्ला ट्राफिक प्रहरी कार्यालय चितवनका प्रमुख गायत्री राज शर्माले बताए ।
उनले समग्रमा हेर्दा सवारी दुर्घटना ९० प्रतिशत साना सवारीसाधन पर्ने र साना सवारीसाधनमा जोखिम पनि बढी हुने, सार्वजनिक यात्राुबाहक सवारीसाधनमा हुने दुर्घटनाका विभिन्न कारण मध्य चालकको लापर्बाही, चालकको सेन्सेटिभनेश कम जस्ता कारणले हुने गरेको हुनाले उनिहरुलाई प्रतिबद्ता अभियान सुरु गरिएको बताए ।
प्रतिबद्तामा हतार गरेर सवारीसाधन चलाउदिन, म र मेरा यात्राुहरुलाई बच्चाउछु,रक्सी तथा नशालुपदार्थ सेवन गरेर सवारीसाधन चलाउदिन, ओभरट्याक गर्दा सुरक्षित नभए सम्म गर्ने छैन, ढिलो पुगेर केही हुँदैन छिटो गएर दुर्घटनामा पर्नु छैन, गाडीको चेकजाँच गरेर मात्रै सडकमा निकाल्छु, पूर्ण रुपमा ट्राफिक नियम पालना गर्छु भन्ने प्रतिबद्ता गराईने उनको भनाई छ ।
साथै आउँदै गरेको चार्डपर्वलाई लक्षित गरेर बढी भाडा लिने, सिट भन्दा बढी यात्रु चढाउने, मापसे गरेर सवारीसाधन चलाउने जस्ता गतिविधीलाई नियन्त्रण गर्न चेकजाँच कारबाहीको काम अगाडी बढाईने बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.