चितवन । खाना र बस्नको लागि गुणस्तरीय सेवा प्रदान गर्ने होटलको रुपमा परिचित भरतपुर महानगरपालिका वडा नम्बर ९ स्थित हाकिमचोकमा रहेको थ्री स्टार सिएमटी होटलले चाडपर्वलक्षित छुट अफर सार्वजनिक गरेको छ । सिएमटीले दशै, तिहार, छठ लगायतका चाडपर्वलाई लक्षित गरी खाना ,बस्न र ब्रेकफाष्टमा छुट अफर ल्याएको हो । भरतपुर भ्रमणबर्षलाई प्रर्वद्धन गर्न र चाडपर्वलाई लक्षित गरी होटलको विभिन्न सेवामा छुट अफर ल्याईएको होटलका प्रबन्ध निर्देशक मदन घिमिरेले जानकारी दिए ।
‘चाडपर्वमा ग्राहकलार्ई छुट पनि होस , भरतपुर भ्रमणबर्षलाई पनि सहयोग पुगोस भन्ने हेतुले यो अफर ल्याएका हौं ।’ प्रबन्ध निर्देशक घिमिरेले भने । घिमिरेका अनुसार पर्यटकले होटलको रुपमा २५ प्रतिशत, स्पामा २० प्रतिशत ,फुड र बेभरेजमा १० प्रतिशत छुट पाउनेछन । बाहिरबाट आउने पाहुनाका लागि एयरपोर्ट पिकअप एण्ड ड्रप निःशुल्क व्यवस्था समेत गरिएको उनले बताए । होटलले आन्तरिक तथा बाह्य पर्यटकलाई आकर्षित गर्न हरेक दिनजसो विभिन्न नेपाली परिकार, अर्गानिक परिकार, कन्टिनेन्टल तथा फरक डिस सेवा शुरु गरेको छ ।
होटलका अपरेसनल मेनेजर तेजेन्द्र शर्माले होटलमा हांँसको छोयला, माछा, कान्जीनारो, बंँदेल, हांँडीको चिकेन, बंदेल , तावा माछा ,मसरुम लगायतका परिकारहरु उपलब्ध गरिएको जानकारी दिए । ‘यी परिकारमा आन्तरिक र बाह्य गेष्टले धेरै रुचाएको पायौं, शर्माले भने, खांँदा टेष्टी , हाइजेनिक पनि र रेट पनि सस्तो छ ।’ शर्माले भने । अत्यधुनिक लाईभ किचन रहेको यो होटलमा पाहुनाले आंँखा अगाडिनै आफ्नो अर्डरको प्रत्यक्ष किचन अनुभव लिन पाउनेछन ।
संभवत चितवनमा सबैभन्दा धेरै एकैपटक तीनहजार जनालाई सेवा दिने क्षमता रहेको यस होटलमा विभिन्न संघ संस्थाका मिटिङ्ग, सभा, सेमिनार, अधिवेशन, बिहे, पार्टी सञ्चालन हुंँदै आएको छ । दुई हजार जना भन्दा बढी व्यक्तिहरु अट्ने १२ हजार ३०० स्क्वायर फिटको टाउन हल, पाँचसय जना अट्ने २७९० स्क्वायर फिटको मिट हल, दुईसय जना अट्ने १हजार ८सय ८१ स्क्वायर फिटको चितवन हल, ३५० स्क्वायर फिटको कन्फेरेन्स हल र बिजनेस हलहरुको रहेको शर्माले जानकारी दिए ।
होटलमा अत्यधुनिक सुविधा सम्पन्न ४६ वटा रुम रहेका छन् । स्थानीय स्तरमा उत्पादन भएका खाद्य वस्तुहरुलाई विशेष प्राथमिकतामा राखिएको रिसोर्टमा ८५ जनाले प्रत्यक्ष र अन्य केहीले अप्रत्यक्ष रुपमा रोजगारी समेत पाइरहेका छन् । होटलमा यथेष्ट पार्किङ सुविधा, स्वीमिङ पुल, यथेष्ट गार्डेनको सुविधा रहेको छ भने वाटरलाइट र म्युजिक सहितको फाउन्टेन समेतको सुविधा रहेको छ । अन्यत्र बास बसेका विदेशी पाहुनाहरुले ब्रेकफाष्ट, लन्च र रेष्टका लागि मुख्य गन्तव्यको रुपमा होटलबाट सेवा लिदै आईरहेका छन् ।
महेन्द्र राजमार्गको मुख्य हाईवेसँगै जोडिएको होटल भरतपुर विमानस्थलबाट २ मिनेटको दुरीमा पुग्न सकिन्छ । होटल परिसरमा इभी (इलेक्ट्रिक भेहिकल) गाडीहरुको लागि छुट्ट चार्जिङ प्वाइन्टको समेत व्यवस्था गरिएको शर्माले बताए । होटलले वातावरणीय प्रभावलाई महत्व दिंदै संयुक्त राष्ट्रसंघीय कार्यालयमा आवद्ध भएर कार्बन फुट प्रिन्टको पनि काम गरिरहेको छ । होटलले आगामी दिनमा सौराहा र धुलिखेलमा समेत आफ्नो सेवा विस्तार गर्न लागेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.