काठमाडौँ । नेपाल क्रिकेट संघ (क्यान)ले खेलाडीको वर्गीकरणमा हेरफेर गरेको छ । क्यानको शनिबार बसेको भर्चुअल बैठकले यस अघि गरेको खेलाडी वर्गीकरणको चौतर्फी विरोध भएपछि वर्गीकरण सच्याएको हो । क्यान कोषाध्यक्ष रोशन सिंहको संयोजकत्वमा रहेको खेलाडी वर्गिकरण छनोट समितीले तयार गरेको नयाँ वर्गीकरणलाई बैठकले सर्वसम्मतले पारित गरेको हो । यसअघि गत असोज पहिलो साता क्यानले २०२० का लागि खेलाडी बर्गिकरण गर्दा बि श्रेणीमा रहेका तीव्र गतीका बलर सोमपाल कामीलाई ए श्रेणीमा ल्याइएको छ । अबिनास बोहरालाई ग्रेड सीबाट ग्रेड बीमा ल्याएको छ । यसअघि ग्रेडिङमा नपरेका ललित नारायण राजवंशीलाई ग्रेड बी र सन्दीप जोरालाई ग्रेड सी मा राखिएको छ । यस्तै, महिलातर्फ सरस्वती चौधरीलाई ‘बी’ तथा ममता चौधरी र सुमन खतिवडालाई ‘सी’ श्रेणीमा राखिएको छ । कोरोनाको महामारीलाई मध्यनजर गर्दै हाललाई खेलाडी सम्झौता २०२० जनवरी देखि ६ महिनाको लागि गर्ने निर्णय गरिएकोसमेत क्यानले जनाएको छ ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र