चितवन । चितवनको एक मात्र गाउँपालिका इच्छाकामनामा नागरिक आरोग्य सेवा केन्द्र सञ्चालनमा आएको छ । जिल्ला आयुर्वेद कार्यालय चितवनले इच्छाकामना गाउँपालिकाको वडा नम्बर ३ चुम्लिङ्गटारमा पहलिो पटक नागरिक आरोग्य सेवा केन्द्र सञ्चालनमा ल्याएको हो ।
केन्द्रको शनिबार गाउँपालिका अध्यक्ष गीता कुमारी गुरुङले एक कार्यक्रमकाबिच उद्घाटन गर्नुभयो । अध्यक्ष गुरुङले इच्छाकामना गाउँपालिकामा आरोग्य सेवा केन्द्र स्थापना गरिएकोमा जिल्ला आयुर्वेदक कार्यालय रत्ननगर चितवनलाई धन्यवाद दिनुभयो । केन्द्रलाई प्रभावकारी बनाउन आवश्यक सहयोग गर्ने प्रतिवद्धता पनि जनाउनुभयो । गाउँपालिकाका नागरिकलाई सबै प्रकारको स्वास्थ्य सेवा पु¥याउन गाउँपालिका लागी परिरहेको उहाँले बताउनुभयो । भौगोलिक विकटता रहेको यस गाउँपालिकामा हरेक वडामा स्वास्थ्य सेवा केन्द्रहरु स्थापना गरिएको बताउनुभयो । साथै सडक दुर्घटना बढी हुने पृथ्वीराजमार्ग पनि यस गाउँपालिकामै पर्ने भएकाले गाउँपालिकाले शसस्त्र बल विवद् व्यवस्थापन तालिम शिक्षालय कुरिनटारमा स्थापना गरिएको ट्रमा सेन्टरमा व्यवस्थापकिय सहयोग गरिरहेको बताउनुभयो । गाउँपलिकामा आँखा उपचार केन्द्र सेवा पनि संचालनमा रहेको र दाँत उपचार केन्द्र पनि सञ्चलान ल्याउने बताउनुभयो । कार्यक्रममा जिल्ला आयुर्वेद कार्यालय रत्ननगरका जीवन बाबु घिमिरेले यस नागरिक आरोग्य सेवा केन्द्रमा नसा वाथ, यूरिक यसिड लगायतका रोगको निशुल्क जाँच तथा उपचार गरिनेछ । साथै तनाव व्यवस्थापन, जीवनशैली व्यवस्थापन, दुखाइको व्यवस्थापन जस्ता सेवा निःशुल्क दिनेछन् । साथै केन्द्रमा प्राणायाम सेवा पनि हुने बताउनुभयो ।
उहाँका अनुसार एउटा केन्द्रमा एक जना वैद्य र एक जना थेरापीसम्बन्धी प्राविधिक रहने व्यवस्था गरिएको छ । कोरोना रोग उपचारमा समेत आयुर्वेद प्रभावकारी भएको घिमिरेको भनाईछ । वडाध्यक्ष गोर्धन अधिकारीले यस केन्द्रलाई प्रभावकारी रुपमा सञ्चालन गर्नका लागि वडाले सहयोग गर्ने बताउनुभयो । यसैबिच नागरिक आरोग्य सेवा केन्द्र सञ्चालनका लागि स्थानीय समाजसेवी कृष्णप्रसाद सापकोटाले निशुल्क घर उपलब्ध गराउनुभएको छ । दुई बर्षका लागि केन्द्र सञ्चालन गर्न निशुल्क घर उपलब्ध गराउनुभएको हो । जिल्ला आयुर्वेद कार्यालय रत्ननगरका अनुसार इच्छाकामनासगँै चितवनमा चार पालिकाको चार ठाउँमा आरोग्य सेवा केन्द्रमा सञ्चालनमा आएको छ ।भरतपुर महानगरपालिका १४ स्थित शिवनगर, खैरहनी नगरपालिका १२ स्थित कुमरोज, कालिका नगरपालिका ७ सगुनटोल र इच्छाकामना गाउँपालिका ३ चुम्लिङ्गटारमा केन्द्र स्थापना गरिएको हो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.