चितवन । चितवनको लायन्सचोक र सहिदचोकमा सञ्चालनमा रहेका पाँच वटा होटलहरुले खाद्य स्वच्छताको स्टिकर पाएका छन् । खाद्य प्रविधि तथा गुण नियन्त्रण डिभिजन कार्यालय चितवनले आज होटलहरुको स्तरीकरण तथा लोगो वितरण गरेको हो । होटलहरुको किचन, प्रदान गर्ने सेवा सुविधा, सरसफाइलगायतलाई आधार बनाएर होटललाई स्तरीकरण गर्दै लोगो वितरण गरिएको खाद्य अनुसन्धान अधिकृत घननाथ अधिकारीले बताउनुभयो । होटलले पालना गरेको खाद्य स्वच्छताको आधारमा उनीहरुले स्टिकर पाएको अधिकारीको भनाइ छ ।
चितबनका ५ वटा होटलहरुमा गरिएको अनुगमनका क्रममा ५ वटा होटल लाई नै स्तरीकरणमा परेका अधिकारीले बताउनुभयो । कार्यालयका खाद्य निरीक्षक प्रदीप काफ्लेका अनुसार नारायणगढमा सञ्चालित मामाघर तन्दुरी एण्ड तास घरले हरियो रङ्गको दुई वटा स्टार पाएको छ । जमघट तास घरले हरियो रङ्गको एक वटा स्टार पाएको छ । त्यस्तै होटल रेड कार्फेट , मान्द्रो टिपिकल होटेल र होटेल जम्काभेट रेष्टुरेन्ट एण्ड वारले भने पहेँलो स्टिकर मात्रै प्राप्त गरेको काफ्लेले बताउनुभयो ।
होटलले पाएको अङ्कको आधारमा स्टिकर प्रदान गरिएको काफ्लेले बताउनुभयो । जम्मा १०० पूर्णाङ्कमा होटलको स्तरीकरण गरिएकोमा ५० देखि ६४ अङ्क प्राप्त गर्ने होटलले पहेँलो, ६५ देखि ७९ अङ्क प्राप्त गर्ने होटलले हरियो रङ्गको एक स्टार, ८० देखि ८९ अङ्क प्राप्त गर्ने होटलले हरियो रङ्गको दुई स्टार तथा ९० देखिमाथि अङ्क प्राप्त गर्ने होटलले हरियो रङ्गको तीन स्टार प्राप्त गर्दछन् ।
स्टार पाएका होटलहरुको पुनः अनुगमन गरिने भन्दै काफ्लेले छ महिनापछि हुने अनुमगनका क्रममा गुणस्तर नभेटिए उनीहरुको स्टिकर जफत समेत हुनसक्ने बताउनुभयो । खाद्य प्रविधि तथा गुण नियन्त्रण डिभिजन कार्यालय चितवनको नेतृत्वमा भएको सो स्तरीकरण तथा लोगो वितरण कार्यक्रममा उपभोक्ता अधिकार संरक्षण मञ्च चितवन, होटल व्यवसायी संघ चितवन र पत्रकारहरुको सहभागिता रहेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.