चितवनको भरतपुरमा जारी प्रथम प्रधानमन्त्री कप राष्ट्रिय खुल्ला ब्याडमिन्टन प्रतियोगिता–२०७७ अन्तर्गत महिलातर्फको प्रिक्वार्टर फाइनलका खेलहरु सकिएका छन् । प्रतियोगितामा बिहीबार वुमन सिङ्गल र गल्स सिङ्गल अण्डर १७ को पहिलो चरण र प्रिक्वार्टर चरणको खेल सकिएको प्रतियोगिताका मिडिया संयोजक दामोदर अर्यालले जानकारी दिनुभयो । प्रतियोगितामा महिला सिङ्गलतर्फका राष्ट्रिय खेलाडीहरु जेसिका गुरुङ, अनुमाया राई, रसिला महर्जन, अमिता गिरी क्वार्टरफाइनल प्रवेश गर्नुभएको छ ।

प्रतियोगितामा राष्ट्रिय खेलाडी नाङ्शाल तामाङ एपीएफकी जेसिकासँग तथा एपीएफकी शोभा गौचन अनुमाया राईसँग पराजित हुनुभएको छ । त्यस्तै पुरुषतर्फ पहिलो चरणका सबै खेल सकिएका मिडिया संयोजक अर्यालले बताउनुभयो । प्रतियोगिताको मेन्स सिङ्गलमा विश्व वरियताका तेस्रो नम्बरका खेलाडी प्रिन्स दाहाल सहित अन्य राष्ट्रिय खेलाडीहरु रत्नजित तामाङ, प्रियन्सु सिंह क्षेत्री, विकास श्रेष्ठ, प्रफुल महर्जन, इरमान अनसारी, नवीन श्रेष्ठ, रुकेश महर्जन, दिपेस धामी प्रिक्वार्टर फाइनलमा प्रवेश गरेका छन् ।

बिहीबार समूह चरण र प्रिक्वार्टर फाइनलका ७१ वटा खेल भएका अर्यालले बताउनुभयो । भोलि शुक्रबार दिउँसो १ बजेटबाट वुमन्सतर्फको क्वार्टर फाइनलका खेल सुरु हुने उहाँले जानकारी दिनुभयो । भोलि प्रिक्वार्टर र क्वार्टर फाइनलका सबै खेलहरु सकाएर फागुन १ गते सेमीफाइनल र फाइलनका खेलहरु खेलाउनेगरी तयारी भइरहेको चितवन जिल्ला ब्याडमिन्टन संघका अध्यक्ष भरत मल्लले जानकारी दिनुभयो । राष्ट्रिय खेलकुद परिषद्को सहयोग, नेपाल ब्याडमिन्टन संघको पहल तथा चितवन जिल्ला ब्याडमिन्टन संघ र हरिलाल धर्मदेवी मेमोरियल ट्रष्टको संयुक्त आयोजनामा प्रतियोगिता भएको हो ।

३०० भन्दा बढी खेलाडी सहभागी भएको प्रतियोगितामा मेन्स सिङ्गल र वुमन्स सिङ्गलतर्फ पहिलो हुने खेलाडीले नगद रु एक लाख १५ हजारका दरले पुरस्कार पाउने मल्लले बताउनुभयो । विभिन्न आठ वटा विधामा प्रतिस्पर्धा भइरहेको प्रतियोगितामा पहिलो, दोस्रो र तेस्रो हुने खेलाडीको लागि नगद सहित ट्रफी, मेडल र प्रमाणपत्रसहितको पुरस्कारको व्यवस्था गरिएको मल्लको भनाइ छ । प्रतियोगिता सम्पन्न गर्न ४० लाख रुपैयाँ खर्च हुने भन्दै अध्यक्ष मल्लले प्रतियोगितामा नगद पुरस्कारमात्रै आठ लाख १९ हजार रुपैयाँ खर्च हुने बताउनुभयो । भरतपुरको कबर्डहलमा सञ्चालन भइरहेको प्रतियोगिता अवलोकनका लागि टिकट निःशुल्क गरिएको चितवन जिल्ला ब्याडमिन्टन संघले जनाएको छ ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र