चितवन । विश्व वरियतामा तेस्रो नम्बरका खेलाडी प्रिन्स दाहाल चितवनमा जारी प्रधानमन्त्री कप राष्ट्रिय खुल्ला ब्याडमिन्टन प्रतियोगता २०७७ को सेमीफाइनल प्रवेश गरेका छन् । दाहाल मेन्स सिङ्गलतर्फ सेमीफाइनल प्रवेश गरेका हुन् । एपीएफ क्लबबाट खेलेका दाहालले आज भएको प्रिक्वाटर फाइनल खेलमा एपीएफकै प्रियंशु सिंह क्षेत्रीलाई २१–१० र २१–१० को सोझो सेटमा हराउँदै क्वाटर फाइनल प्रवेश गरेका थिए । त्यस्तै प्रिन्सले क्वाटर फाइनलमा त्रिभुवन आर्मी क्लबका हिमाल चन्दलाई २१–४ र २१–९ को सोझो सेटमा हराउँदै सेमीफाइनल यात्रा सुरक्षित गरेका हुन् ।

दाहालसँगै मेन्स सिङ्गलतर्फ भोजपुरका विकास श्रेष्ठ, त्रिभुवन आर्मीका नवीन श्रेष्ठ र एपीएफका दिपेश धामी सेमीफाइनल प्रवेश गरेका छन् । प्रतियोगिताअन्तर्गत आज शुक्रबार विभिन्न ६४ वटा खेल भएका नेपाल ब्याडमिन्टन संघका उपाध्यक्ष सुवास श्रेष्ठले जानकारी दिनुभयो । प्रतियोगितामा वुमन्स सिङ्गलतर्फ एपिएफकी जेसिका गुरुङ, त्रिभुवन आर्मीका अनुमाया राई, रसिला महर्जन र अमिता गिरी सेमीफाइलन प्रवेश गरेका छन् ।

प्रतियोगितामा मेन्स सिङ्गल, ब्वाइज सिङ्गल अण्डर १७, भेटेरान्स डबल ४५ वर्षमाथि उमेर समूह, भेटेरान्स डलब ५५ वर्षमाथि उमेर समूह, मेन्स डबल, वुमन्स सिङ्गल, गल्र्स सिङ्गल अण्डर १७ तथा मेन्स डबलमा ¥याङकिङका लागि खेल भएका छन् । देशकै सबैभन्दा ठूलो धनराशिको प्रथम प्रधानमन्त्री कप राष्ट्रिय खुल्ला ब्याडमिन्टन प्रतियोगिता २०७७ को मेन्स सिङ्गल र वुमन्स सिङ्गलतर्फ पहिलो हुने खेलाडीले एक लाख १५ हजार रुपैयाँ सहित ट्रफी, मेडल र प्रमाणपत्र पाउने चितवन जिल्ला ब्याडमिन्टन संघका अध्यक्ष भरत मल्लले जानकारी दिनुभयो । प्रतियोगिताको सेमीफाइनल र फाइनल खेल शनिबार हुने उहाँले बताउनुभयो ।

त्यस्तै मेन्स सिङ्गल र वुमन्स सिङ्गलमा दोस्रो हुने खेलाडीले समान ५५ हजार तथा तेस्रो हुने दुई÷दुई जना खेलाडीले १५÷१५ हजार रुपैयाँ पुरस्कार पाउने श्रेष्ठले बताउनुभयो । त्यस्तै, मेन्स डबलतर्फ पहिलो हुनेले ६० हजार , दोस्रो हुनेले ३० हजार तथा तेस्रो हुने दुई जनाले १०÷१० हजार रुपैयाँ पाउनेछन् । प्रतियोगितामा मेन्स डबल टप २० ¥याङ्किङमा पहिलो हुने खेलाडीले ५० हजार, दोस्रोले २५ हजार तथा तेस्रो हुने दुई जनाले सात÷सात हजार रुपैयाँ पुरस्कार पाउने मल्लले बताउनुभयो ।

प्रतियोगितामा ब्वाइज सिङ्गल अण्डर १७, गल्र्स सिङ्गल अन्डर १७, भेटेरान्स डबल ४५ वर्षमाथि, ५५ वर्षमाथिका उमेर समूहमा पहिलो हुने खेलाडीहरुले समान ३० हजार, दोस्रो हुनेले १५ हजार र तेस्रो हुने दुई÷दुई जनाले पाँच÷पाँच हजार रुपैयाँ पुरस्कार पाउने मल्लको भनाइ छ । प्रतियोगितामा देशभरका ३०० बढी खेलाडीहरुको सहभागिता रहेको थियो । प्रतियोगिताअन्तर्गत नगद पुरस्कारमात्रै आठ लाख १९ हजार रुपैयाँ खर्च हुने भन्दै मल्लले प्रतियोगिता सम्पन्न गर्न ४० लाख रुपैयाँ खर्च हुने बताउनुभयो ।

भरतपुर कभर्डहलमा सञ्चालन भएको प्रतियोगिता निःशुल्क अवलोकन गर्न सकिने मल्लले बताउनुभयो ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र