चितवन। चितवनमा नेकपा परित्याग गरि राप्रपामा प्रवेश गर्नेको लर्को लागेको छ । भरतपुर महानगरपालिका वडा न १६ मा १ सय भन्दा धेरै राष्ट्रिय प्रजातन्त्र पार्टीमा प्रवेश गरेका हुन । उनिहरुलाई राप्रपा केन्द्रीय सदस्य एवं वागमती प्रदेश सांसद रिना गुरुङ्गले पार्टी प्रवेश गराउनु भएको हो । उहाँले टीका र खादा लगाइदिएर पार्टी प्रवेश गराउनु भएको हो ।
पार्टी प्रवेश गराउदै सांसद गुरुङले जनता झुक्याएर ल्याएको संघीयता देशको लागि बोझ भएको बताउनु भयो । उहाँले संघीयता खारेजीको माग गर्नु भयो । उहाँले भन्नू भयो, “ संघीयता देशले धान्नै सक्दैन, यसले देशको आर्थिक भार मात्र बढाउछ । जनता झुक्याएर ल्याएको संघीयता खारेज हुनु पर्छ ।” देश विकास र राजनीतिक स्थायित्वको लागि राप्रपा नै उत्तम विकल्प रहेको उहाँको भनाइ छ । त्यस्तै कार्यक्रममा राप्रपा प्रदेश सदस्य ज्ञानु जंङ्ग लामा, जिल्ला सचिव केशवराज भण्डारी, क्षेत्रीय अध्यक्ष मदन पौडेल लगाएतले बोल्नु भएको थियो ।
साथै शनिबार (आज) राप्रपा भरतपुर वडा न १६ वडा समिती गठन भएको छ । कमान सिंह पाख्रिनको अध्यक्षतामा २१ सदस्यीय समिती गठन गरिएको हो । गठित कार्यसमितीमा उपाध्यक्षमा मिना घले, सचिवमा रामशरण थापा मगर, कोषाध्यक्ष सुजन थापा लगाएत हुनुहुन्छ । त्यस्तै तेजुमाया घलेको नेतृत्वमा महिला संगठन गठन भएको छ । महिला संगठनको उपाध्यक्षमा श्रीकाशी घले र सचीवमा मिना घले रहनु भएको छ ।
देवु सुनारको नेतृत्वमा दलित संगठन, युवा संगठनमा विश्वास थापा र आदिवासी जनजाति संगठनको अध्यक्षमा श्रीकाशी घले चयन हुनुभएको छ । कार्यक्रममा जिल्ला सचिव रामजी अधिकारी, दिनेश अधिकारी, दलित संगठन चितवन जिल्ला अध्यक्ष मिना विक, महिला कोषाध्यक्ष गीता आचार्य लगाएतको उपस्थिति थियो । कार्यक्रम राप्रपा भरतपुर १६ वडा अध्यक्ष कमान सिङ पाख्रिनको अध्यक्षतामा भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.