चितवन । विश्वभर महामारीको रुपमा फैलिएको कोभिड १९ का कारण जनमानसमा देखिएको मानसिक तनाव कम गर्नका लागि नारायणगढको पुलचोकमा संगीत थेरापी कार्यक्रम संचालन गरेको छ। अहिलेको समयमा बिभिन्न समस्याको कारण तनावमा रहेका आमनागरिकलाई तनाव मुक्त गर्ने उद्देश्यले बागमती प्रदेश प्रहरी कार्यालय हेटौंडाको अनुसार जिल्ला प्रहरी कार्यालय चितवनको आयोजनामा आज नारायणगढमा उक्त कार्यक्रम गरिएको हो ।
संगीत थेरापीमा उल्लेख्य मात्रामा सर्वसाधारणले उपस्थिती जनाई थेरापीबाट लाभ दिएको र उनीहरुमा सकारात्मक प्रभाव परेको चितवनका प्रहरी प्रवक्ता डिएसपी सुर्य थापाले बताउनुभयो । वागमती प्रदेश प्रहरी ब्याण्ड गुल्मद्वारा गरिएको कार्यक्रममा स्वास्थ सुरक्षाप्रति पूर्ण सावधानी अपनाइएको र बिभिन्न किसिमका धुनमार्फत तनाव व्यवस्थापनको प्रयास गरेको उहाँले बताउनुभयो ।
उहाँले कोभिडको कारणबाट रोजगार गुमेका ,आर्थिक समस्या अदिले मानिसहरुमा तनाव सृजना भएको अवस्थामा संगीतको माध्यमबाट केही हदसम्म भए पनि तनाव कम गर्न सकिन्छ कि भनेर म्युजिकल थेरापी आयोजना गरेको बताउनुभयो ।ू पुलचोकमा मानिसहरुको चाप बढी हुने भएकोले यही कार्यक्रम गरिएको डिएसपी थापाले बताउनुभयो ।
उहाँका अनुसार बागमती प्रदेशकै मकवानपुर, काठमाडौंलगायतका अन्य जिल्लामा पनि यस्तो कार्यक्रम आयोजना भइसकेको छ । आवश्यकता परे अन्य स्थानमा पनि उक्त कार्यक्रम गर्न सकिने डिएसपी थापाले बताउनुभयो । दिउँसो ३ बजे शुरु भएको कार्यक्रम करीब एक घण्टा चलेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.