चितवन । एस एण्ड पी कम्पनीले सातौं वार्षिकोत्सवको समीक्षात्मक कार्यक्रम सम्पन्न गरेको छ । कम्पनीले शनिबार पत्रकार सम्मेलन मार्फत समीक्षात्मक कार्यक्रम सम्पन्न गरेको प्रबन्ध निर्देशक सूर्यप्रसाद श्रेष्ठले जानकारी दिए । कार्यक्रमका प्रमुख अतिथि तथा हाम्रो एफ.एम.का अध्यक्ष भोजराज कौडेलले सरकारले प्रदान गरेको आधिकारिक कम्पनीबाट कारोबार गर्दा ढुक्क हुने बताए ।
सरकारबाट स्वीकृति नलिई संचालन गरेका कम्पनीहरुबाट कारोवार गर्दा जनता ठगिएको उनको भनाइ थियो । उनले कम्पनी दर्ता गर्ने आधिकारिक दर्तावालाहरुलाई सही र व्यवसायिक हिसाबले मूल्य लिन आग्रह गरे । समाज सुधारका लागि बिचौलियाहरुबाट बच्न र यसका लागि हामीबाटै केही योगदान गर्न सके परिवर्तन हुने उनले बताए ।
कम्पनीका प्रबन्ध निर्देशक श्रेष्ठले एस एण्ड कम्पनी नेपाल सरकारबाट स्वीकृति प्राप्त चितवनको एक मात्र आधिकारिक कम्पनी भएको बताए । सरकारले चितवन लगायत देशभरि १७ ठाउँलाई मात्र कम्पनी दर्ता गर्ने आधिकारिकता दिएको उनले भने । उनले आधिकारिक ठाउँमा मात्र आफ्नो फर्म, कम्पनी दर्ता गर्न आग्रह गरे ।
अनधिकृत रुपमा संचालित अन्य ठाउँबाट दर्ता गर्दा दुःख पाउने, झन्झट हुने, बढी पैसा तिर्नु समस्याबाट बच्न आधिकारिक ठाउँबाट काम गर्न सबैलाई उनले सुझाव दिए । उनले आम्दानीको केही प्रतिशत सामाजिक काममा लगाउने प्रतिबद्धता समेत व्यक्त गरे । भविष्यमा असहाय, गरिब, वृद्धवृद्धाहरुलाई सेवा गर्ने लक्ष्य रहेको र यसअघि पनि विभिन्न सहयोग आफूले गर्दै आएको उनले भने ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.