नवलपुर । जंगलबाट बस्तीमा छिरेको चितुवाले आक्रमण गर्दा एकजना किसानको गोठ रित्तिएको छ। मध्यबिन्दु नगरपालिका–१ स्थित अभियनमा एकल महिला किसान मन कुमारी महतोले गोठभित्र बाँधेका १५ ओटा भेडा मध्य ११ ओटा भेडा चितुवाको आक्रमणबाट मरेको र अन्य ४ ओटा भेडा गम्भीर घाइते भएको नन्द भाउजु उपभोक्ता समितिका अध्यक्ष दोमन भण्डारीले जानकारी दिनुभयो ।

गोठ रित्तो भएपछि महतो पीडामा छिन । दुई लाखभन्दा बढीको क्षति भएको छ। ‘कच्ची गोठ भएकाले सजिलोसँग चितुवा गोठभित्र छिरेर भेंडालाई आक्रमण गर्‍यो,’ स्थानीयबासी गणेश महतोले भने, ‘पछिल्लो समय चितुवा बस्ती नजिक आउने र त्रास थप्ने काम गरिरहेको छ।’  प्रहरी चौकी कोल्हुवाले घटनाको जानकारी टिपोट गरेको छ।

सामुदायिक वन नजिकै रहेको र त्यहीँ वनबाट चितुवा बस्तीमा आएको हुन सक्ने अनुमान गरिएको छ ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने