☰

भर्खरै

लोकप्रिय समाचार

पूर्वीचितवनको खैरहनी क्षेत्रमा कोरोना संक्रमण बढ्दै

  •   शुक्रबार, साउन ०१, २०७८ मा प्रकाशित
    • अ
    • अ
    • अ

    चितवन । पूर्वीचितवनको खैरहनी क्षेत्रमा कोरोना संक्रमण बढ्दै गएको छ । खैरहनी नगरपालिकाको विभिन्न क्षेत्रमा परिक्षण गर्दा कारोना संक्रमितको संख्या बढ्दै गएको छ । आज खैरहनी नगरपालिकाको वडा नम्बर ४ का ४५ जनाको परिक्षण गर्दा १८ जनामा कोरोना पुष्टि भएको छ ।

    आज एन्टिजेन परिक्षण गर्दा १८ जनामा कोभिड १९ पुष्टि भएको हो । उक्त क्षेत्रमा स्थानियहरु विरामी परेपछि आज परिक्षण गरिएको वडा अध्यक्ष देव बहादुर बस्नेतले समावेशी खबरलाई जानकारी दिए । स्थानियहरुले स्वास्थ्य सम्बन्धि मापदण्ड पालना नगर्दा कोरोना संक्रमण बढेको बस्नेतले बताए । ज्वरो आउदाँ, रुघाखोकी लाग्दा समेत सामान्य भाइरल भन्दै परिक्षण नगराउदाँ कोरोना फैलिएको आशंका गरिएको छ ।

    अनावश्यक रुपमा घरबाहिर नहिड्न र हिड्नै परे स्वास्थ्य मापदण्ड पालना गर्न वडा अध्यक्ष बस्नेतले आग्रह गरेका छन् ।

    लोकप्रिय

    भर्खरै