हेटौडा । मकवानपुर प्रहरीले भीमफेदी गाउँपालिका २ भैसेबाट लागूऔषधसहित दुई जनालाई पक्राउ गरेको छ । पक्राउ पर्नेहरुमा मकवानपुरको मनहरी गाउँपालिका वडा नम्वर १ बस्ने २७ वर्षीय राज मुक्तान र दोलखाको भिमेश्वर नगरपालिका वडा नम्वर ३ बस्ने २० वर्षीय गौरव राज सेढाई रहेको जिल्ला प्रहरी कार्यालय मकवानपुरले जनाएको छ ।

उनीहरुलाई प्रहरी चौकी भैंसे मकवानपुरबाट खटिएको प्रहरी टोलिले मंगलबार अवैध लगाूऔषधसहित पक्राउ गरेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए । उनका अनुसार, मंगलबार हेटौँडाबाट काठमाडौंतर्फ जाँदै गरेको ना १ ज २५०७ नमवरको यात्रु बाहक जिपलाई रोकी चेकजाँच गर्ने क्रममा उक्त जिपमा सवार मनहरीका मुक्तानका साथबाट लुकाई छपाई ल्याएको लागुऔषध डाईजेपाप ३५ एम्पुल, फेनारगन ३५ एम्पुल, नुफिन ३५ एम्पुल गरी जम्मा १०५ एम्पुल फेला परेपछि निलाई पक्राउ गरेको हो ।

त्यस्तै, मंगलबार नै हेटौँडाबाट काठमाण्डौतर्फ जांदै गरेको प्रदेश नं. ०३–०–००१ ज ००३३ नम्वरको यात्रु बाहक सुमोलाई रोकी चेकजाँच गर्ने क्रममा उक्त सुमोमा सवार दोलखाका राज सेढाईका साथबाट लुकाई छिपाई ल्याएको लागुऔषध नाईट्रोभेट २३३ ट्याब्लेट फेला परेपछि निजलाई पक्राउ गरेको प्रहरी नायब उपरीक्षक रिमालले बताए । पक्राउ परेका उनीहरुमाथि आवश्यक अनुसन्धानका साथै कानूनी कारबाही अगाडि बढाएको मकवानपुर प्रहरीले जनाएको छ ।

बिहीबारदेखि देशका विभिन्न क्षेत्रमा वर्षा हुने

विदेशी फूलको आयात रोक्न किसानको माग

चितवनमा रहेको धान ‘जोन’मा उत्पादन बढ्यो