चितवन । जिल्ला अदालत चितवनले गत आर्थिक वर्षमा ६३ दशमलब ५५ प्रतिशत मुद्दा फछ्योट गरेको छ । ३ हजार ८ सय ३० मुद्दा मध्ये २ हजार ४ सय ३४ मुद्दा फछ्योट भएका हुन् । अदालतका तहशिलदार पुरुषोत्तम पौडेलका अनुसार गत वर्ष नयाँ दर्ता भएका र अघिल्लो आर्थिक वर्षबाट जिम्मेवारी सरी आएका गरी ३ हजार ८ सय ३० मुद्दा रहेका थिए । ती मध्ये गत आर्थिक वर्षमा परेका २ हजार ४ सय ५९ र अघिल्लो आर्थिक वर्षबाट जिम्मेवारी सरी आएका १ हजार ३ सय ७१ मुद्दा हुन् ।
पौडेलका अनुसार ती मुद्दा मध्ये २ हजार ४ सय ३४ फछ्योट भएका छन् । १ हजार ३ सय ९६ वटा मुद्दा यस वर्षका लागि जिम्मेवारी सरेको उहाँले जानकारी दिनुभयो । यस्तै ७ सय ६९ जनालाई पक्राउ गरी फैसला कार्यान्वयन गराईएको छ । जिम्मेवारी सरी आएका ५ हजार ३ सय २१ जना र गत वर्षका ७ सय ६९ जना मध्ये सो संख्यामा पक्राउ गरी फैसला कार्यान्वयन गराईएको हो । पौडेलका अनुसार चालु आर्थिक वर्षका लागि ५ हजार ३ सय २१ जनाबाट फैसला कार्यान्वयनका लागि जिम्मेवारी सरी आएको छ ।
पक्राउ परेकाबाट १ हजार ६१ बर्ष ६ महिना १६ दिन कैद भुक्तान गरिएको छ भने रु ९ करोड ३४ लाख ४४ हजार ३ सय १० जरिवाना असुल गरिएको छ । फैसला कार्यान्वयनका लागि बाँकी रहेका व्यक्तिहरुबाट २ हजार ६६८ वर्ष ६ महिना २० दिन कैद र रु १५ करोड ९८ लाख ५ हजार ६ सय ८९ जरिवाना उठान बाँकी रहेको उहाँले जानकारी दिनुभयो ।
कोरोना सङ्क्रमणका कारण स्थानीय प्रशासनले लगाएको निषेधाज्ञाको समयमा अदालतमा पनि काम नहुँदा फैसला कार्यान्वयन र अदालती कामहरु पनि बन्द हँुदा फछ्योट कम भएको देखिएको उहाँको भनाई छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.