हेटौँडा । मकवानपुरको मकवानपुरगढी गाउँपालिका वडा नंबर ५ को ज्यामिरे खोलामा निर्माण गरिएको पक्की पुलको आज उद्घाटन गरिएको छ । बागमती प्रदेशका मुख्य मन्त्री डोरमणी पौडेलले पुलको उद्घाटान गरेका हुन् ।

३ करोड ११ लाख रुपैँयाको लागतमा निर्माण भएको पुलको उद्घाटन गर्दै मुख्यमन्त्री पौडेलले प्रदेह सरकारले विकास निर्माणको कार्यलाई गति दिएको बताए । बागमती प्रदेश सरकारले गरेको कामको उपलब्धी अब देखिन सुरु भैसकेको भन्दै मुख्यमन्त्री पौडेलले नयाँ संरचना भएपनि बागमती प्रदेश सरकारले जनचाहना अनुसारको काम गरिरहेको बताए ।

उद्घाटन कार्यक्रममा गाउँपालिका अध्यक्ष बिदुर हुँमगाई सहितका स्थानीय जनप्रतिनिधि, विभिन्न पार्टीका प्रतिनिधिहरुको उपस्थिती रहेको थियो ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने