काठमाडौं। राष्ट्रिय जनगणनाको मूल गणना कार्यका लागि आवश्यक गणकहरूको ‘सर्ट लिस्ट’ गर्ने काम सम्पन्न भएको केन्द्रीय तथ्यांक विभागले जनाएको छ। विभागले ‘सर्ट लिस्ट’मा परेका गणकलाई १ देखि ५ कात्तिकसम्ममा सम्बन्धित जिल्लाका जिल्ला जनगणना कार्यालयमा सम्पर्क गर्न अनुरोध गरेको छ ।

गणक तालिम स्थानीय जनगणना कार्यालयमा १३ देखि १६ कात्तिकसम्म हुनेछ। सर्ट लिस्ट गरिएका गणकको नतिजा विभागको वेबसाइट https://cbs.gov.np वा https://www.censusnepal.cbs.gov.np/ मा हेर्न सकिन्छ। नतिजा हेर्न दरखास्त फारममा उल्लेख गरिएको मोबाइल नम्बर वा एनपीएचसी नम्बर इन्ट्री गरी हेर्न सकिन्छ ।

२५ कात्तिकदेखि ९ मंसिरसम्म संचालन हुने मूल गणनामा ३९ हजार गणकका लागि आवेदन माग गरिएको थियो । झण्डै एक लाख ५० हजारले आवेदन दिएका थिए । तर, विभागले आवश्यक गणकको संख्याभन्दा ३० प्रतिशत बढी गणकलाई सर्ट लिस्ट गरिएको बताएको छ ।

सर्ट लिस्टमा स्थानीय व्यक्तिलाई प्राथमिकता दिएको विभागको भनाइ छ । यसका अतिरिक्त रोजेका ठाउँको संभाव्यता, विगतमा गरेको कामको अनुभव, शैक्षिक योग्यताको श्रेणी आदिलाई आधार मानेर नतिजा सार्वजनिक गरिएको बताइएको छ।

परराष्ट्रमन्त्री खनालसँग फ्रान्सका नवनियुक्त राजदूत पुइगिन्जाको भेट

देश गम्भीर अवस्थामा छ, आन्दोलनका लागि तयार रहनूस्ः ओली

हराएका मतदाता फर्काउन मंसिरमा एक महिने अभियान चलाउँछौँः गगन थापा