चितवन । एडभान्स अटो मोवाइल्स प्रालि काठमाण्डौले भोलिदेखि चितवनको भरतपुरमा रेनो कार्नीभल गर्ने भएको छ । कम्पनीले हिजो पत्रकार सम्मेलनगरी सो जानकारी दिएको हो । रेनोको आधिकारीक विक्रेता रहेको प्रालिले भरतपुरको हाकीमचोक नजिकै रहेको शाखा युनाइटेड अटो कन्सर्न प्रालिमा सो सेवा सुरु हुने भएको हो । भोलिदेखि अर्थात मंसिर २६ देखि २८ गतेसम्म संचालन हुनेछ ।

जेनरल म्यानेजर अधिर कुमार श्रेष्ठले पहिलो पटक यो कार्यक्रम गर्न लागिएको र नारायणगढ, बुटवल,भैरहवा र पोखरामा उक्त कार्नीभल गरिने बताए । उक्त सानो मेलामा करिव ५ हजार दर्शकले भिजिट गर्ने अपेक्षा रहेको उनको भनाई छ । उक्त कार्नीभलमा सवै व्राण्डका कारहरुको निशुल्क परीक्षण, धुलाई सहित स्पटमै कारको भ्यालुयसन गरी नयाँ कार खरिद गर्न सक्ने श्रेष्ठको भनाई छ । साथै यो समय रेनो ब्राण्डका जुनसुकै कार खरिद गरेपनि भारी नगद छुटको सुविधा रहेको र करिव २५ वटा जति कार विक्रि हुने आशा रहेको श्रेष्ठले बताए ।

साथै फुड स्टल समेत रहने र कफी चियाको प्रयोग सहित रेनो ब्राण्डका कारहरुको सवै विवरण लिन सकिने बताए । उनका अनुसार रेनो विश्वकै दोस्रो पुरानो अटोमोवाइल्स हो । करिव १ सय वर्षदेखि सेवा दिइरहेको छ । तर नेपालमा भने सन् २०१६ अगष्ट देखि कार विक्री सुरु भएको श्रेष्ठले बताए । अहिले नेपालमा रेनोको डष्टर,क्वीड, ट्राइवर लगायतका कार विक्रि भइरहेका छन् । पूर्वमा विर्तामोड देखि पश्चिममा धनगढी सम्मका मुख्य सहरमा यसको शाखा रहेको उनले बताए ।

डे वान देखिनै थ्री वान सर्भिस दिएको बताउँदै यसमा रहेको फिचर र सेल्सपछिको सर्भिसले ग्राहक आकर्षीत रहेको उनले दावी गरे। कोरोनापछि अझ बढी यसको माग बढेको र एउटै सोरुमबाट विक्रि, मर्मत को सेवा दिइदै आएको श्रेष्ठले बताए । अहिलेको कार्नीभलमा क्वीड र ट्राइवर कारलाई बिक्रीका लागि बढी जोड दिएको बताए । हिरामणी तिमिल्सेनाले विक्री भन्दापनि ग्राहक प्रति कम्पनीको उत्तरदायित्व महसुस गरेर यो कार्यक्रम गर्न लागिएको बताए ।

यो कार्नीभलमा एक्सचेन्ज एण्ड भ्यालुएसन, नगद छुट, फ्री वास, टच एण्ड फिल गराउन टेष्ट ड्राईभको सुविधा दिने र टेष्ट ड्राइभ गर्नेहरुवीच गोलाप्रथाबाट आकर्षक गिफ्ट ह्याम्फर समेत उपलब्ध गराउने जेनरल म्यानेजर श्रेष्ठले जानकारी दिए । चितवन सहित देशभर १६ वटा शाखाले रेनो ब्राण्डका कार विक्री गरिरहेका छन् ।

चितवनका दृष्टिविहीनलाई सेतो छडी वितरण

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने