चितवन । प्रतिवन्धित क्युनेट नेटवर्किङ बिजनेशको नाममा ठगी गर्ने एक समूह चितवनबाट पक्राउ परेका छन् । नेटवर्किङ बिजनेशको सदस्य बनाईदिन्छु भन्दै ठगी गर्ने दुई भारतीयसहित एक नेपालीलाई जिल्ला प्रहरी कार्यालय चितवनले पक्राउ गरेको हो । पक्राउ पर्नेहरुमा भारतको देश राजस्थानस्थित शास्त्री नगर जयपुरका २८ वर्षीय जितेश वर्मा, भारतकै हरियाणा प्रदेश गुडगाउँको कोलारसका ३४ वर्षीय ३४ अंकित शर्मा र चितवनको भरतपुर महानगरपालिका २६ का ३६ वर्षीय सरोज घिमिरे रहेका छन् ।

उनीहरुलाई प्रहरीले भरतपुरस्थित सिजी ल्याण्डमार्कको मिटिङ हलबाट पक्राउ गरेको हो । सिजी ल्याण्डमार्कको मिटिङ हल नेटवर्किङ बिजनेश सम्बन्धि सेमिनार गरिरहेको भन्ने गोप्य सूचनाका आधारमा मंसिर १७ गते राति ८ बजे पक्राउ गरिएको चितवनका प्रहरी प्रवक्ता डिएसपी नरहरी अधिकारीले जानकारी दिए । प्रहरीले उनीहरुको साथबाट नेटवर्किङ विजनेशको सदस्य बनाउन प्रयोग गर्ने गरेको एक थान ल्यापटप र मोवाईल पनि बरामत गरेको छ ।

उनीहरुले १०र१२ जना मानिसहरु जम्मा गरेर नेटवर्किङ बिजनेशको नाममा बिभिन्न झुट्टा आस्वाश्न तथा विश्वास दिलाई भ्रममा पारी ठगी गरेकोले पक्राउ गरिएको डिएसपी अधिकारीले बताए । अनुसन्धानको क्रममा पक्राउ परेका मध्ये सरोज घिमिरेले बिकास घिमिरे नाम गरेका एक युवालाई प्रलोभनमा पारेर २७ लाख ५० हजार लिएको समेत खुलेको छ ।

नेटवर्किङ बिजनेशको सदस्य बनाईदिएर पीडितसँग २७ लाख ५० हजार ठगेको प्रहरीको अनुसन्धानल देखाएको छ । उनीहरुलाई बिजनेश ठगी सम्बन्धि कसुरमा मुद्दा दर्ता गरेर चितवन जिल्ला अदालतबाट म्याद थप अनुमती लिई अनुसन्धान भईरहेको प्रहरीले जनाएको छ ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने