चितवन । ६ महिनादेखि चितवनका उपभोक्ताले सहुलियत मूल्यको चिनी पाएका छैनन् । साल्ट ट्रेडिङ कर्पोरेशन लिमिटेड चितवनमा यतिबेला एक दाना पनि चिनी छैन । साल्ट ट्रेडिङ चितवन पुगेका उपभोक्ताहरु फिनिनिनि हुँदै रित्तो हात घर फर्कन बाध्य भएका छन् । सहुलियतको चिनी नहुँदा उपभोक्ताले बजारमा चर्को मूल्यमा चिनी खरिद गर्न बाध्य भएका छन् ।

यतिबेला प्रतिकिलो चिनीको बजार मूल्य १०० रुपैयाँ कायम भएको छ । साल्ट ट्रेडिङ चितवनका प्रमुख बुद्धिविनोद दाहालले साउनदेखि यता साल्ट ट्रेडिङमा एक दाना पनि चिनी नभएको बताए । उनले भने, ‘सरकारले टेण्डर आह्वान गरेर चिनी खरिद गर्न सकेको छैन, अनि कताबाट चिनी आउनू । दसैँमा पनि पाएनन् । हालसम्म उपभोक्ताको रित्तो हात छ ।’

उनले चिनी कहिले आउने कुनै ग्यारेन्टी नभएको बताए । उनले भने, ‘जहिले आउँछ, त्यही दिनदेखि उपभोक्तालाई दिने हो, नआउँदासम्म केही भन्न सकिएन ।’

चितवनका दृष्टिविहीनलाई सेतो छडी वितरण

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने